जिल्ला प्रहरी कार्यालय कास्कीको समुदाय प्रहरी साझेदारी कार्यक्रम अन्तर्गत जातिय छुवाछुत तथा भेदभाव सम्बन्धी जनचेतना मूलक कार्यक्रम गर्दै आईरहेको छ ।

माघ २२ गते आवाज संस्थाले जातिय तथा अन्य सामाजिक छुवाछुत र भेदभाव सम्बन्धीको जानकारी मुलक फलेक्स बोर्ड निर्माण गरी एक कार्यक्रमका वीच कार्यालयमा हस्तान्तरण गरेको हाे । उक्त बोर्ड कार्यालयमा आउने सेवाग्राहीहरुले देखिने नागरिक सहायता कक्षमा टाँसिएकाे हाे ।

उक्त कार्यक्रममा प्रहरी उपरीक्षक मोहन कुमार थापाले समाजमा घट्न सक्ने सामाजिक तथा जातिय छुवाछुत र भेदभावका घटनाहरुलाई सहन नहुने, यदी कहीँ कतै यस्ता अपराध भएमा तुरुन्त प्रहरीलाई जानकारी गराउने र समाजमा यस्ता
घटनाहरुलाई निर्मुल पार्नको निम्ति स्थानिय तह, समुदाय तथा आम सामाजिक संस्थाहरु हातेमालो गर्दै जनचेतनामूलक कार्यक्रमहरु गर्दै जानु पर्ने धारणा व्यक्त गर्नु भएको थियो भने आवाज संस्थाका अध्यक्ष प्रकास सुनारले समेत सामाजमा हुने
यस्ता घटना प्रति सबै आम नागरिक संवेदनशील हुनुपर्ने बताउनुभएकाे थियाे ।

फलेक्स बोर्डसामाजिक छुवाछुत

प्रकाशित मिति: मङ्लबार, माघ २३, २०८०, २:१३ बेलुका

लेखक: समाचारपाटी