इटालीले अल्बानियामा आप्रवासी स्वागत केन्द्र निर्माण गर्ने भएको छ । इटाली र अल्बानियाले संयुक्त रूपमा घोषणा गरेको नयाँ योजनाले इटालीको किनार जाने शरणार्थीहरूको संख्यालाई रोक्ने उद्देश्यले आप्रवासन–सम्बन्धित मुद्दाहरूसँग जुध्न युरोपेली आप्रवासी स्वागत केन्द्र निर्माण गर्ने भएको हो । इटालीका प्रधानमन्त्री जर्जिया मेलोनीले यस्तो बताउनु भयो । सञ्चारकर्मीहरुसँग कुरा गर्दै मेलोनीले यो योजनाले इटाली र अल्बानियाबीचको रणनीतिक साझेदारीलाई तीनवटा उद्देश्यका साथ अझ बलियो बनाउने बताउनु भयो । मानव बेचबिखन बिरुद्ध लड्न, अनियमित आप्रवासी प्रवाहलाई रोक्न र युरोपमा अन्तर्राष्ट्रिय सुरक्षाको अधिकार भएका मानिसहरूलाई मात्र प्राप्त गर्ने कुरामा सहयोग पुग्ने बताउनु भयो ।

मेलोनी र अल्बानियाका प्रधानमन्त्री एडी रामाले हस्ताक्षर गरेको समझदारी पत्रमा इटालीले अल्बानियामा दुई आप्रवासी स्वागत केन्द्रहरू निर्माण गर्ने बताइएको छ । केन्द्रहरूले भूमध्यसागरमा उद्धार गरिएका आप्रवासीहरूलाई प्रशोधन गर्नेछन् तर इटालीको किनारमा आफैँ पुग्नेहरूलाई, नाबालिगहरू, गर्भवती महिलाहरू वा कमजोर स्वास्थ्यमा भएकाहरूलाई स्वीकार गर्दैनन् ।
सिन्ह्वा

आप्रवासीइटाली

प्रकाशित मिति: शुक्रबार, कार्तिक २४, २०८०, ३:१८ बेलुका

लेखक: समाचारपाटी