काठमाडौं । पाकिस्तानमा फेरि बम आक्रमणका श्रृंखला बढ्न थालेका छन्। केही वर्षसम्म शान्त देखिएको पाकिस्तानमा अतिवादीहरुले टाउको उठाएसँगै विस्फोटका घटना पनि बढेका हुन्।

पाकिस्तानको पेशावरस्थित एक मस्जिदमा नमाज पढिरहेका पुलिसकर्मीमाथि सोमबार बम आक्रमण हुँदा कम्तीमा पनि ५९ जना मारिएका छन्।

यो मस्जिद पुलिस मुख्यालय इलाकामा रहेको थियो। त्यहाँ सबैभन्दा कडा सुरक्षा व्यवस्था गरिएको हुन्छ।

शुरुवातमा पाकिस्तानी तालिबानका एक कमान्डरले यस घटनाको जिम्मेवारी लिएका थिए। तर केही समयपछि यो संगठनले बम हमलामा संलग्नता इन्कार गरेको छ।

यो चरमपम्थी समूहले गत नोभेम्बरमा पाकिस्तानसँग युद्धविराम भंग भएको घोषणा गरेसँगै हिंसाका घटना बढिरहेका छन्।

यसअघि डिसेम्बरमा पेशावरको एक पुलिस कार्यालयमा बम हमला भएको थिय।

सोमबारको हमलामा ५९ जना मारिएको स्थानीय अस्पतालका प्रवक्ताले बताएका छन्। यो हमलामा थप १५७ जना गम्भीर घाइते भएका छन्।

पेशावरका पुलिस प्रमुख मोहम्मद एजाज खानले स्थानीय सञ्चारमाध्यमलाई बताए अनुसार घटनाको समय त्यस क्षेत्रमा ३ सयदेखि ४ सयको संख्यामा पुलिस तैनाथ थिए।

मस्जिद रहेको क्षेत्र शहरको सबैभन्दा कडा सुरक्षा भएको मानिन्छ। यहाँ पुलिस मुख्यालय, जासुसी विभाग र आतंकवाद विरोधी ब्यूरोको कार्यालय पनि छ।

शरिफले हमलामा जसको संलग्नता भए पनि यसमा उनीहरुको ‘इस्लामसँग कुनै लेनदेन नरहेको’ बताएका छन्।

उनले अगाडि भनेका छन्, आतंकवादको खतराविरुद्ध देश एकजुट छ । सोमबार स्थानीय समयअनुसार दिउँसो १ बजेर ३० मिनेटमा मस्जिदमा शक्तिशाली बम आक्रमण भएको थियो।

विस्फोट

प्रकाशित मिति: मङ्लबार, माघ १७, २०७९, १२:४१ बेलुका

लेखक: समाचारपाटी