काठमाडौं । परराष्ट्रमन्त्री डा. आरजु राणा देउवाले इरानी विदेशमन्त्री सय्यद अब्बास अराघ्चीसँग फोनवार्ता गर्दै हमासको कब्जामा रहेका नेपाली नागरिक विपिन जोशीको रिहाइका लागि पहल गर्न आग्रह गरेकी छन्।

इरानी विदेशमन्त्री अराघ्चीले हमास अधिकारीहरुसँग हुने बैठकमा यो मुद्दा प्राथमिकताका साथ उठाउने आश्वासन दिएका छन्। हमासले युद्धविरामपछि बन्दीहरू मुक्त गरिरहेको भए पनि जोशीको नाम अहिलेसम्म सार्वजनिक भएको छैन।

यसअघि, मन्त्री राणाले इजरायल, इजिप्ट, कतारलगायतका विदेशमन्त्रीहरूसँग पनि जोशीको रिहाइका लागि वार्ता गरिसकेकी छिन्।

परराष्ट्रमन्त्री राणाको पहलविपिन जोशीको रिहाइका लागि

प्रकाशित मिति: शुक्रबार, माघ २५, २०८१, ११:०४ बिहान

लेखक: समाचारपाटी