काठमाडौं I श्रीमानबाट घरेलु हिंसामा परेको दाबी गर्दै सर्वोच्च अदालत अगाडि विरोध प्रदर्शन गरेकी बिनु यादवलाई प्रहरीले पक्राउ गरेको छ।

यादवले सर्वोच्च अदालत अगाडिको सूचना बोर्डमा कालो रङ छ्यापेर आफ्नो असन्तुष्टि व्यक्त गरेकी थिइन्। विरोध प्रदर्शनको क्रममा सार्वजनिक सम्पत्तिमा क्षति पुर्‍याएको भन्दै उनलाई प्रहरीले नियन्त्रणमा लिएर सिंहदरबार वृत्तमा राखिएको छ।

घटनाबारे थप अनुसन्धान भइरहेको प्रहरीले जनाएको छ। यादवले आफू श्रीमानबाट लगातार हिंसाको शिकार भएको भन्दै न्यायको माग गरिरहेकी छिन्।

घरेलु हिंसाबिनु पक्राउ

प्रकाशित मिति: मङ्लबार, मंसिर ११, २०८१, १:२८ बेलुका

लेखक: समाचारपाटी