राष्ट्रपति रामचन्द्र पौडेलले ‘मुलुकी संहिता सम्बन्धि केही नेपाल ऐनलाई संशोधन सम्बन्धि विधेयक २०८०’ प्रमाणिकरण गर्नुभएको छ । 

राष्ट्रपति पौडेलले संघीय संसदको दुवै सदनबाट पारित भई राष्ट्रपति कार्यालयमा पेस भएको सो विधेयक साउन १२ गते प्रमाणिकरण गर्नुभएको पत्र राष्ट्रिय सभालाई प्राप्त भएको हो ।

आईतवार बसेको राष्ट्रिय सभा बैठकमा अध्यक्ष गणेशप्रसाद तिमिल्सिनाले सो विधेयक राष्ट्रपतिले प्रमाणीकरण गर्नुभएको पत्र राष्ट्रपति कार्यालयबाट प्राप्त भएको जानकारी दिनुभएको हो । 

उहाँले भन्नुभयो, ‘सम्माननीय राष्ट्रपति रामचन्द्र पौडेलज्युबाट नेपालको संविधान धारा ११३ को उपधारा २ बमोजिम प्रमाणीकरण भएको देहाय बमोजिमको विधेयकको थान १ यसैसाथ पठाइएको व्यहोरा अनुरोध छ । मुलुकी संहीता सम्बन्धि केही नेपाल ऐनलाई संशोधन सम्बन्धि विधेयक २०८० । प्रमाणीकरण मितिः २०८०/४/१२ ।’अध्यक्ष तिमिल्सिनाका अनुसार सो विधेयक राष्ट्रपतिले नेपालको संविधानको धारा ११३ को उपधारा २ बमोजिम प्रमाणिकरण गर्नुभएको हो ।

राष्ट्रपति रामचन्द्र पौडेलविधेयक २०८०’

प्रकाशित मिति: आइतवार, भदौ १०, २०८०, ४:५० बेलुका

लेखक: समाचारपाटी