काठमाडौं । घरेलु टोली बङ्लादेशले तेस्रो तथा अन्तिम एकदिवसीय खेलमा आयरल्यान्डलाई १० विकेटले हराउँदै ऐतिहासिक जित निकालेको छ ।
तीन खेलको शृङ्खला बङ्लादेशले २–० ले जितेको हो । जितको लागि १ सय २ रनको सामान्य लक्ष्य पछ्याएको बङ्लादेशले १३ ओभर १ बलमा कुनै पनि विकेट नगुमाइ भेट्टायो । बङ्लादेशका लिटन दास ५० रनमा र कप्तान तमिम इकबाल ४१ रनमा अविजित रहे ।
योसँगै बङ्लादेशले टेस्ट, टी–२० र एकदिवसीय कुनै पनि अन्तर्राष्ट्रिय खेलमा १० विकेटको जित हात पारेको पहिलो पटक हो । त्यसअघि टस जितेर पहिला ब्याटिङ गरेको आयरल्यान्ड २८ ओभर १ बलमा १ सय १ रनमा अलआउट भएको थियो ।