पाेखरा । पोखरा १३ कुँडहर स्थित बालविद्या मन्दिर इङ्लिस बोर्डिङ स्कुलमा पि टि डिस्प्ले तथा विविध साँस्कृतिक कार्यक्रम सम्पन्न भएको छ ।

कार्यक्रमको उद्घाटन गर्दै प्रमुख अतिथि गण्डकी खेलकुद परिषद्का संस्थापक सदस्य सचिव तेज बहादुर गुरुङले वालविद्या विद्यालयले अन्यले भन्दा केही फरक शैलीमा आफ्ना अतिरिक्त क्रियाकलाप गरिरहेको र विद्यार्थी मा अन्तरनिहित प्रतिभा प्रस्फुटनमा विशेष जोड दिएको कुरा कार्यक्रमले पुष्टि गरेको बिचार व्यक्त गर्दै यसलाई निरन्तरता दिन आवश्यक रहेको बताउनुभयो ।

सोही कार्यक्रममा विद्यार्थीहरुद्वारा राष्ट्रप्रेमले भरिएको साङ्गीतिक प्रस्तुतिका साथै गुरुङ ,थारू भाषाका नृत्य पनि प्रदर्शन गरिएको थियो । अभिभावक तथा अतिथिहरुले वार्षिक खेलकुदमा विजयी विद्यार्थीहरुलाई पुरस्कार वितरण पनि गर्नुभएको थियो ।

विद्यार्थीको मानसिक तथा शारीरिक विकासका लागि विद्यालयले पठनपाठनका अतिरिक्त खेलकुदलाई पनि उत्तिकै महत्व दिदै आइरहेको विद्यालयका निर्देशक राम गुरुङले बताउनुभयो ।

कार्यक्रममा नृत्य निर्देशक साथै पि टि संयोजक बिराज थापा मगर, सङ्गीत संयोजक भरत सुनार, विवश खाती लगायत सम्पूर्ण शिक्षकहरूलाई विद्यालयको तर्फबाट धन्यवाद दिदै श्री कमल गुरुङले शिक्षक विद्यार्थी र अभिभावकको सयुक्त प्रयासले नै
विद्यालयले सफलताको शिखर चुम्न सक्ने धारणा राख्नुभयो ।

विद्यालय निर्देशक राम गुरुङको सभाध्यक्षतामा सम्पन्न भएको उक्त कार्यक्रमको संचालन शिक्षिका लक्ष्मी थापाको नेतृत्वमा एलिजा, अर्चना, प्रतिक्षा, प्रशान्त ,किरण,क्रिष्टिना लगाएतले गरेका थिए ।

साँस्कृतिक कार्यक्रम

प्रकाशित मिति: मङ्लबार, फाल्गुन २, २०७९, १०:२७ बिहान

लेखक: समाचारपाटी