कार्ल नेहामरको हालैको राजीनामापछि अस्ट्रियाका विदेशमन्त्री अलेक्ज्याण्डर स्कालेनबर्गले शुक्रवार देशको अन्तरिम चान्सलरको रूपमा शपथ लिनुभएको छ । नयाँ सरकार गठन नभएसम्म स्कालेनबर्गले विदेशमन्त्रीको भुमिका जारी राख्दै कामचलाउ सरकारको नेतृत्व गर्नेछन् । शपथ ग्रहण समारोह अस्ट्रियाका राष्ट्रपति अलेक्ज्याण्डर भान डेर बेलेनले सञ्चालन गरेका थिए । जसले यस चुनौतीपूर्ण अवधिमा दोहोरो जिम्मेवारी लिन स्कालेनबर्गको इच्छुकताको लागि कृतज्ञता व्यक्त गरेका थिए । अस्ट्रियाली समाचार एजेन्सी एपीएकाअनुसार स्कालेनबर्गले अर्को हप्ताको शुरुमा ब्रसेल्समा युरोपेली संघको भ्रमण गर्ने योजना बनाएका छन् । ५५ वर्षीय कुटनीतिज्ञले २०१९ देखि अस्ट्रियाको विदेशमन्त्रीको रूपमा सेवा गरिसकेका छन् र पूर्व चान्सलर सेबास्टियन कुर्जको राजीनामा पछि २०२१ मा लगभग दुई महिनाको लागि चान्सलरको रूपमा छोटो समयको लागि काम गरेका थिए । 
सिन्ह्वा

अस्ट्रियाली विदेशमन्त्रीशपथ ग्रहण

प्रकाशित मिति: शनिबार, पुस २७, २०८१, २:४५ बेलुका

लेखक: समाचारपाटी