गठबन्धन गठन गर्ने विषयमा पाँच महिनादेखि जारी राजनीतिक गतिरोध अन्त्य गर्दै अस्ट्रियाको नयाँ सरकारले सोमवार शपथ ग्रहण गरेको छ । पिपुल्स पार्टीका नेता क्रिश्चियन स्टकरले सामाजिक लोकतान्त्रिक पार्टी र एनइओएस सँगसँगै तीन–दलीय गठबन्धनको नेतृत्व गर्दै चान्सलरको पदभार ग्रहण गर्नुभएको छ । सोशल डेमोक्रेटिक पार्टीका अध्यक्ष एन्ड्रियास बाबलरले उप–चान्सलरको रूपमा शपथ लिएका छन् । एनइओएस नेता बीट मेइनल–रेइजिङरले विदेशमन्त्रीको भुमिका ग्रहण गर्नुभएको छ । सोमवार बिहान अस्ट्रियाका राष्ट्रपति अलेक्ज्याण्डर भान डेर बेलेनले शपथ ग्रहण समारोहको अध्यक्षता गर्नुभयो । गत हप्ता, तीन दलहरूले संयुक्त रूपमा आफ्नो सरकारी कार्यक्रम प्रश्तुत गर्नुभयो । नयाँ सरकारको गठनले आम चुनाव पछि अस्ट्रियाको नयाँ प्रशासनको लागि सबैभन्दा लामो प्रतीक्षाको अन्त्य भएको संकेत गर्दछ । गत सेप्टेम्बरमा भएको संसदीय चुनावमा, फ्रिडम पार्टीले लगभग २९ प्रतिशत मत प्राप्त गर्दै अग्रणी दल बन्यो । त्यसपछि पिपुल्स पार्टीले २६.३ प्रतिशत र सोसल डेमोक्र्याटले २१.१ प्रतिशत मत प्राप्त गरेको छ । सबैभन्दा धेरै मत प्राप्त गरे पनि फ्रिडम पार्टीलाई शुरुमा सबै प्रमुख दलहरूले गठबन्धन वार्ताबाट बाहिर राखेका थिए । 
सिन्ह्वा

अस्ट्रियाशपथ ग्रहण

प्रकाशित मिति: मङ्लबार, फाल्गुन २०, २०८१, १:५० बेलुका

लेखक: समाचारपाटी