अष्ट्रेलियाली तथ्याङ्क ब्युरोले दिएको जानकारीअनुसार सेप्टेम्बर ३०, २०२४ मा समाप्त भएको १२ महिनामा अष्ट्रेलियाको जनसंख्या १.८ प्रतिशतले बढेको छ । सेप्टेम्बर ३० सम्म अष्ट्रेलियाको जनसंख्या २७.३ मिलियन पुगेको छ । जुन २०२३ को सोही अवधिको तुलनामा ४ लाख ८४ हजारले बढेको छ । जनसांख्यिकीका प्रमुख बेइदार चोले सेप्टेम्बर ३०, २०२४ सम्मको वर्षमा, ६ लाख १७ हजार ९ सय मानिसहरू विदेशबाट आएको बताउनु भयो । २ लाख ३८ हजार १ सय जना बाहिरिएका छन् । पश्चिमी अष्ट्रेलियाले गत वर्ष सबैभन्दा छिटो जनसंख्या वृद्धि अनुभव गरेको छ । २.५ प्रतिशतले बढेको छ । भिक्टोरियाले २.१ प्रतिशतले वृद्धि गरेको छ भने क्वीन्सल्याण्डको जनसंख्या २ प्रतिशतले बढेको छ । १२ महिनाको अवधिमा टापु राज्य तस्मानियामा सबैभन्दा कम वृद्धि देखिएको छ । जनसंख्यामा ०.३ प्रतिशतले वृद्धि भएको छ ।
सिन्ह्वा

प्रकाशित मिति: शनिबार, चैत्र ८, २०८१, १२:४६ बेलुका

लेखक: समाचारपाटी