अस्ट्रेलिया र अन्तर्राष्ट्रिय वैज्ञानिकहरूको समूहले खाद्य सुरक्षा, किसानको जीविकोपार्जन र ग्रहको जैविक विविधतालाई खतरामा पार्ने माटोको क्षयमा तत्काल कदम चाल्न आह्वान गरेको छ । अस्ट्रेलियाली ब्रोडकास्टिङ कर्पोरेसनले कृषि, वन फँडानी र रसायनको अत्याधिक प्रयोगले स्वस्थ माटोको लगभग ४० प्रतिशत क्षय भएको बताएको छ । कृषि, वन फँडानी, अत्याधिक चरन र माटोमा रसायनको प्रयोगले गर्दा माटोको क्षय, माटोको लवणता वा अम्लता, उर्वरता घट्ने, कम्प्याक्शन हुने र पानी जम्न सक्ने वैज्ञानिकहरूले बताएका छन् । सिड्नी युनिभर्सिटी अफ एग्रीकल्चरका प्राध्यापक एलेक्स म्याकब्राटनीले माटोको स्वास्थ्यका लागि अस्ट्रेलियाका ठूला चुनौतिहरू सूचीवद्ध गर्नुभयो । जसमा ठूलो क्षरण, अम्लीकरण, कीटनाशकहरूबाट हुने प्रदुषण, साथै माइक्रोप्लास्टिकहरू समावेश छन् । अरोरा सोल सेक्युरिटी थिंक ट्याङ्क नामक वैज्ञानिकहरूको समूहले हालै जारी गरेको प्रतिवेदनले माटो सुरक्षालाई प्राथमिकता दिन सरकारलाई आग्रह गरेको छ । 
सिन्ह्वा

अन्तर्राष्ट्रिय वैज्ञानिकअस्ट्रेलिया

प्रकाशित मिति: शुक्रबार, पुस १९, २०८१, १२:०१ बेलुका

लेखक: समाचारपाटी