अस्ट्रेलियामा ऊन उत्पादन एक शताब्दीमा सबैभन्दा कम स्तरमा झर्ने प्रक्षेपण गरिएको छ । अस्ट्रेलियाले चलिरहेको २०२४–२६ सिजनमा कुल २७९.४ मिलियन किलोग्राम कच्चा ऊन उत्पादन गर्नेछ । अस्ट्रेलियन ऊन उत्पादन पूर्वानुमान समितिको नयाँ रिपोर्टले यो अनुमान गरेको हो । त्यो संख्याले २०२३–२४ सिजनमा उत्पादन गरिएको ३१८ मिलियन किलोग्रामबाट १२ प्रतिशतको कमीलाई प्रतिनिधित्व गर्नेछ । यो अस्ट्रेलियाको कच्चा ऊन उत्पादनको १९२०–२१ पछिको सबैभन्दा कम स्तर हुनेछ ।

अस्ट्रेलियन ऊन उत्पादन पूर्वानुमान समितिले २०२४–२५ मा कुल भेडाको संख्या ६३.२ मिलियनमा झर्ने अनुमान गरेको छ । जुन अघिल्लो सिजनको तुलनामा ११.७ प्रतिशत कम हो । यो १९७० को दशकमा लगभग १८० मिलियनबाट कम हुँदै आएको हो । यो सिजन अष्ट्रेलियाका सबै छ वटा राज्यमा ऊन उत्पादन घट्ने प्रक्षेपण गरिएको छ । चार राज्यमा उत्पादन १० प्रतिशतभन्दा बढीले घट्ने अनुमान गरिएको छ ।

जुलाई र सेप्टेम्बर २०२४ को बीचमा भेडा मार्ने दर २०२३ को सोही अवधिको तुलनामा २८ प्रतिशत बढी थियो । यो पनि जुलाईदेखि सेप्टेम्बर अवधिको लागि पाँच वर्षको औसत भन्दा ६६ प्रतिशत बढी छ । रुरल बैंककाअनुसार सन् २०२३–२०२४ मा अस्ट्रेलियाको ऊन निर्यातको मूल्य २.८ बिलियन अस्ट्रेलियन डलर (१.७५ बिलियन अमेरिकी डलर) थियो । ऊन निर्यातको कुल मूल्यको ८४.६ प्रतिशत चीनतर्फको निर्यात हो । 
सिन्ह्वा

अस्ट्रेलियाऊन उत्पादन

प्रकाशित मिति: शुक्रबार, पुस ५, २०८१, १:०८ बेलुका

लेखक: समाचारपाटी