सार्वजनिक लेखा समितिका सभापति ऋषिकेश पोखरेलले बेरुजु फछ्र्यौट, विद्ययमान ऐन नियममा सुधार र प्रतिवद्धता सहितको कार्ययोजना बनाउन सचिवालयलाई निर्देशन दिनुभएको छ । 

मंगलवार बसेको प्रतिनिधि सभा अन्तर्गतको सार्वजनिक लेखा समिति बैठकमा बोल्दै सभापति पोखरेलले यस्तो निर्देशन दिनुभएको हो । सभापति पोखरेलले समितिको अर्को बैठकमा प्रश्तुत गर्ने गरी बेरुजु फछ्र्यौट, विद्ययमान ऐन नियममा सुधार र प्रतिवद्धता सहितको कार्ययोजना बनाउन समिति सचिवलाई निर्देशन दिनुभयो । उहाँले सचिवालयले कार्ययोजना बनाउँदा समितिमा उपसमिति निर्माण गर्दा नीतिको आधारमा निर्माण गर्न गरी बनाउन आग्रह गर्नुभयो । उहाँले उपसमितिमा तत्काल रिटायर्ड मन्त्री, लगातार एउटै उपसमितिमा बसेर काम गर्ने सदस्यहरु र पेशा व्यवसाय मिल्ने सांसदहरुलाई नराख्न आग्रह गर्नुभयो । उहाँले समितिका २७ जना सांसदहरुले काममा गति दिनसके मात्रै समितिको काम प्रभावकारी हुनसक्ने बताउनु भयो । उहाँले समितिले गर्ने निर्णयहरुमा सर्वसहमति गर्ने प्रयास गर्ने बताउनु भयो । उहाँले समितिले तत्काल बेरुजु,महालेखा र लेखा उतरदायीहरुको बीचमा अन्तरसंवाद र लेखा समितिका सदस्यहरु र सचिवालयको क्षमता अभिवृद्धि गर्ने अनिर्वाय आवश्यकता रहेको बताउनु भयो ।

उहाँले भन्नुभयो,‘समितिका २७ जना सांसदहरुले काममा गति दिनसक्यौं भने समितिको काम प्रभावकारी हुन्छ  । समितिले गर्ने निर्णयहरुमा सर्वसहमति गर्ने प्रयास गरौं । म त्यो प्रयास गर्नेछु । समितिले तत्काल तीन वटा काम गरिहाल्नुपर्ने देखिएको छ । बेरुजुको बारेमा उपसमिति बनाएर महालेखाको प्रतिवेदनका बारेमा अध्ययन गर्न,महालेखा र लेखा उतरदायीहरुको बीचमा तत्काल अन्तरसंवाद गराउँदै केही प्रश्नहरु राख्नुपर्ने छ । लेखा समितिका सदस्यहरु र सचिवालयको अध्ययन र क्षमता अभिवृद्धि अनिर्वाय छ । यी तीन कामलाई सबैभन्दा पहिला अगाडि बढायौं । आजको बैंठकले तीनवटा कामका कार्ययोजना बनाउने जिम्मा सचिवालयलाई दिन्छु । उपसमिति निर्माण गर्दा नीतिको आधारमा निर्माण गरौं । त्यसको लागि तत्काल रिटायर्ड मन्त्री, लगातार एउटै उपसमितिमा बसेर आउने सदस्यहरु र पेशा र व्यवसाय मिल्ने साथीहरु त्यही पेसासँग जोडिएको मन्त्रालयमा उहाँहरुलाई नपारौं ।’

उहाँले समितिले तत्काल बेरुजु लगायतका विषयमा उपसमितिहरु बनाएर काम अगाडि बढाउने बताउनु भयो । उहाँले समितिमा पर्ने उजुरीहरुको समितिमा छलफल हुने तर अध्ययन अनुसन्धान नगर्दा परिणाम आउन नसक्ने अवस्था रहेको भन्दै आगामी दिनमा समिति सदस्यहरुले अध्ययन गर्न आवश्यक रहेको बताउनु भयो ।   

निर्देशनलेखा समिति

प्रकाशित मिति: मङ्लबार, भदौ १९, २०८०, ४:५९ बेलुका

लेखक: समाचारपाटी