इजरायलको आक्रमणबाट गाजामा मृत्यु हुनेको संख्या बिहीवारसम्म ३० हजार नाघेको छ ।  अहिले पनि इजरायलको सैन्य कारबाही गाजामा जारी छ । हमासलाई नष्ट गर्ने र बन्दी बनाएका सय भन्दा बढीलाई उद्धार गर्ने लक्ष्य राखिएको छ । खान युनिसको दक्षिणी गाजान शहरमा हवाई हमला, जबकि मध्य र उत्तरी गाजामा सुरुङ शाफ्ट र अन्य पूर्वाधारहरू ध्वस्त पार्न जमिन अपरेसनहरू शुरु गरेको बताइएको छ । इजरायलले दक्षिणी गाजाको रफाह सहरमा आक्रमण गर्ने चेतावनी दिएको छ । भूमि आक्रमणको योजना यस हप्ताको शुरुमा इजरायली युद्ध क्याबिनेटमा प्रश्तुत गरिएको थियो । इजरायली सेनाले बिहीवार उत्तरी गाजामा मानवीय सहायताको लागि पर्खिरहेका मानिसहरूको भीडमा गोली चलाउँदा कम्तिमा १०४ जनाको मृत्यु भएको छ । यसैबीच संयुक्त राष्ट्र संघको मानवीय मामिला समन्वय कार्यालयले बिहीवार गाजामा भोकमरी आउन सक्ने चेतावनी दिएको छ । 

त्यस्तै अर्का निवासीले मानवीय सहायता (डेर अल–बालाहमा) शिविरमा मुश्किलले पुग्ने गरेको बताउनु भयो । धेरै सीमित भएका कारण बालबालिका र महिलाहरूको लागि पर्याप्त नभएको बताउनु भयो । उहाँले भन्नुभयो, ‘न खानेकुरा, न पिउने, न सुरक्षा, न सुरक्षा, न बास । यहाँ केही पनि छैन।’उत्तरी गाजाले अनिकालको सामना गरिरहेको छ । गाजामा कसैलाई चाहिने पर्याप्त खाना नभएको बताएका छन् ।  

इजरायलगाजा

प्रकाशित मिति: शनिबार, फाल्गुन १९, २०८०, २:४६ बेलुका

लेखक: समाचारपाटी