काठमाडौँ। सर्लाही जिल्ला हरिवनमा जन्मिनुभएका एस्ट्रो अनिल थापा पेशाले उहाँ ज्योतिषी हाे। आफ्नो ज्योतिषी पेशा संग संगै उहाँ नेपाली कला क्षेत्रमा पनि सक्रिय छन्। सानै उमेर देखि नै उहाँ कलाकारिता क्षेत्रमा रुचि राख्नुहुन्थ्याे। एस्ट्रो अनिल थापाको शब्द संगीतमा झन्डै दर्जन बढी गीत रेकर्ड भइ सकेको छ।

बेला बेला उहाँ म्युजिक भिडियोमा पनि देखिने गर्नुभएकाे छ । कलाका सबै विधामा रुचि राख्ने र निरन्तर लेख्न,संगीत गर्न र अभिनय गर्न उहाँ सक्रिय हुनुहुन्छ। आफ्नो ज्योतिषी कर्मबाट केहि समय निकालेर नेपाली कला संगीतमा केहि गरौँ भन्ने जोशका साथ अलिक बर्ष अघि देखि नै उहाँ निरन्तर सक्रिय हुनुहुन्छ।

झन्डै दर्जन गीतमा उहाँले अभिनय पनि गरि सक्नुभएकाे छ । गीतकार संगीतकार हुँदै यस क्षेत्रमा प्रवेश गर्नुभएका थापा आफुलाई अभिनयमा चिनाउन चाहानुहुन्छ। उहाँको पहिलो रेकर्ड भएको गीत ‘म मरे पनि’हो जसमा उहाँकै शब्द संगीत तथा स्वर उहाँकै रहेको छ। उहाँको स्वरमा ‘यो देशमा जन्मन पाए’ बोलको देश भक्ति गीत र उहाँकै शव्द,संगित र अभिनयमा गायक शिव परियारको आवाजमा नयाँ गीत सार्वजनिक हुने तयारीमा छ। उहाँका अन्य ४ गीत पनि सार्वजनिक हुने तयारीमा रहेका छन्।

एस्ट्रो अनिल थापा

प्रकाशित मिति: शुक्रबार, फाल्गुन २६, २०७९, ९:०७ बिहान

लेखक: समाचारपाटी