काठमाडौं । १९ औँ एसियन गेम्सको पुरुष क्रिकेटतर्फको फाइनलमा भारत र अफगानिस्तान भिड्ने भएको छ। पाकिस्तानलाई चार विकेटले हराएसँगै अफगानिस्तानले फाइनल यात्रा सुनिश्चित गरेको हो। पाकिस्तानले ११५ रनको लक्ष्य दिएको अफगानिस्तानले १३ बल अगावै ६ विकेटको क्षतिमा पूरा गर्‍यो।

यसअघि टस हारेर ब्याटिङ गरेको पाकिस्तानले १८ ओभरमा अलआउट हुँदै ११५ रन बनाएको थियो। आज विहान भएको खेलमा बंगलादेशलाई ९ विकेटले पराजित गर्दै भारत फाइनल पुगेको थियो। टस हारेर ब्याटिङको निम्तो पाएको बंगलादेशले निर्धारित ओभरको खेलमा ९ विकेट गुमाएर ९७ रन बनाएको थियो। भारतले ९।२ ओभरमा उक्त लक्ष्य पूरा गरेको थियो।

भारतका लागि रितुराज गाइकवार्डले ४० र तिलक बर्माले ५५ रनको अविजित पारी खेल्दै भारतलाई जित दिलाएका थिए।

१९औं एसियन गेम्सपुरुष क्रिकेट

प्रकाशित मिति: शुक्रबार, अशोज १९, २०८०, ४:१४ बेलुका

लेखक: समाचारपाटी