एशिया कप क्रिकेटको उद्घाटन खेलमा बुधवार (आज) नेपाल र पाकिस्तान भिड्दैछन् । पाकिस्तानको मुल्तान क्रिकेट मैदानमा हुने खेल नेपाली समय अनुसार दिउँसो सवा ३ बजे शुरु हुनेछ । नेपालले पाकिस्तानसँग खेल्दै एशिया कपमा डेब्यु गर्दैछ । नेपालले पाकिस्तानसँग खेल्न लागेको यो नै पहिलो पटक हो । एकदिवसीय विश्वकप लिग टुका पछिल्ला १२ मध्य ११ खेलमा जित निकाल्दै नेपाल एक दिवसीय विश्वकप छनोट खेल्न पाएको थियो भने एकदिवसीय मान्यता जोगाउन सफल भएको थियो । पाकिस्तान विश्व नम्बर एक ब्याट्सम्यान बाबर आजमको नेतृत्वमा मैदान उत्रनेछ भने नेपाली क्रिकेट टिमलाई रोहित पौडेलले नेतृत्व गर्नेछन् ।  

एशिया कप क्रिकेट

प्रकाशित मिति: बुधबार, भदौ १३, २०८०, ९:२५ बिहान

लेखक: समाचारपाटी