वीरगन्जबाट १० हजार नक्कली मतपत्र र नगदसहित दुईजना पक्राउ परेका छन् । वीरगन्जको बसपार्क सडकखण्डबाट नेपाल प्रहरी र सशस्त्र प्रहरीको संयुक्त गस्ती टोलीले १० हजार थान नक्कली मतपत्र, २५० थान स्वस्तिक छाप, ४८ थान स्ट्याम्प प्याड र नगद २ लाख ७२ हजार बरामद भएको सशस्त्र प्रहरी बल नम्बर १३ हेडक्वाटर पर्साका प्रमुख सशस्त्र प्रहरी उपरिक्षक तेज प्रसाद पोखरेलले जानकारी दिनुभयाे ।

करिब ३ सय जति नक्कली मतपत्रमा साइकल छापमा मत संकेत गरेको पाइएको छ । नक्कली मतपत्र र नगदसहित उनीहरुलाई आवश्यक कारबाहीका लागि मुख्य निर्वाचन अधिकृतको कार्यालय पर्सामा बुझाइएको छ ।

बाराको कलैयाबाट वीरगन्ज आउँदै गरेको बा प्रदेश १–१०२५ च ६६३६ नम्बरको कारलाई शंका लागेर चेकजाँच गर्दा नगदसहित ठूलो परिणाममा नक्कली मतपत्र फेला परेको जिल्ला प्रहरी कार्यालय पर्साका प्रहरी उपरीक्षक रमेश बस्नेतले जानकारी दिनुभयाे ।

source:-annapurnapost

birgunjelection2079madhesh pradesh

प्रकाशित मिति: शुक्रबार, मंसिर २, २०७९, १:०४ बेलुका

लेखक: समाचारपाटी