काठमाडौं । चोरीको मोटरसाइकलसहित दुई जना पक्राउ परेका छन्। पक्राउ पर्नेमा रामेछापको दोरम्बा-५ घर भई हाल भक्तपुर बस्ने २२ वर्षीय रिदमबहादुर थापा मगर र सोही स्थान घर भई हाल काठमाडौंको सुन्धारा बस्ने २१ वर्षीय प्रेम थापा मगर रहेका छन्।

चोरीको मोटरसाइकलसहित आवश्यक कारबाहीका लागि आजै परीसर जावलाखेल बुझाइएको काठमाडौँ उपत्यका प्रहरी कार्यालय रामशाहपथका प्रवक्ता एवंम् प्रहरी वरीष्ठ उपरीक्षक राजेन्द्र प्रसाद भट्टले जानकारी दिनुभयाे।

धादिङको थाक्रे गाउँपालिका-७ घर भइ हाल ललितपुरको ललितपुर महानगरपालिका-९ मंगलबजार बस्ने कञ्चन खत्रीले बागमती प्रदेश-०२-०१६ प ६०२९ नम्बरको पल्सर २२० सिसिको मोटरसाइकल हराएको भनि २०७९ असोज ६ गते निवेदन दर्ता गराएका थिए ।

खोजतलास गर्ने क्रममा वास्तबिक नम्बर परिवर्तन गरी बागमती प्रदेश-०२-०१९ प ९५६४ नम्बर प्रयोग गरी चलाउँदै गर्दा शनिबार अपरान्ह साढे ४ बजे ललितपुरको ताल्छिखेलबाट उनिहरूलाई नियन्त्रणमा लिएको थियो।

annapurnapost

पक्राउ

प्रकाशित मिति: आइतवार, पुस ३, २०७९, ४:१४ बेलुका

लेखक: समाचारपाटी