पोखरा महानगरपालिकाबाट लागू औषधसहित ३ व्यक्ति पक्राउ परेका छन् । पोखरा महानगरपालिका वडा नं.१४ खाल्टे मसिना स्थित फागुन ८ गते लागू औषध ओसारपसार गर्ने बोलेरो जिपसहित लागूऔषध र ३ जना व्यक्तिलाई प्रहरीले पक्राउ गरेकाे हाे ।

लागू औषध ओसारपसार भई रहेको भन्ने गोप्य सूचनाको आधारमा जिल्ला प्रहरी कार्यालय कास्की, लागू औषध नियन्त्रण ब्यूरो शाखा कार्यालय पोखरा र वडा प्रहरी कार्यालय रामबजार कास्कीबाट खटिएको प्रहरी टोलिले पोखरा महानगरपालिका १४ स्थित मंगलम कृषी फर्म प्रा.लि.को कम्पाउण्ड भित्र पार्किङ गर्दै गरेको अवस्थामा उक्त लु २ च १५०९ नं. को बोलेरो जिप फेला पारी चेकजाँच गर्दा लुकाई छिपाई राखेको लागू औषध फेला परेकाे जिल्ला प्रहरी कार्यालय, कास्कीले जनाएकाे छ।

लागू औषध डाईजेपाम- २६४ एम्पुल, बुर्फिननुर्फिन- २६३ एम्पुल र फेनारगन- २६५ एम्पुल गरी जम्मा ७९२ एम्पुल लागू औषध र मोबाईल- ५ थान बरामद भएको हुँदा उक्त लु २ च १५०९ नं. को बोलेरो जिप सहित जिल्ला नवलपरासी पाल्हीनन्दन गा.पा. वडा नं. ६ बस्ने ३७ वर्षिय चालक राजेश सैथवार, सोही जिपमा सवार नवलपरासी रामग्राम न.पा. वडा नं.१२ बस्ने २८ वर्षिय संसद अन्सारी र नवलपरासी सरावल गा.पा. वडा नं.२ बस्ने २४ वर्षिय प्रेम सागर यादवलाई नियन्त्रणमा लिई सम्मानित कास्की जिल्ला अदालतबाट लागू औषध सम्बन्धी मुद्दामा ७ दिन म्याद थप गरी अनुसन्धान प्रकृया अगाडी बढाईएको छ ।

प्रकाशित मिति: शुक्रबार, फाल्गुन ९, २०८१, ४:५२ बेलुका

लेखक: समाचारपाटी