नवलपुर । सशस्त्र प्रहरीले गाँजासहित गैंडाकोटबाट एक भारतीय ट्रक चालक पक्राउ गरेको छ। सशस्त्र प्रहरी नायब उपरीक्षक बिनोद कार्कीका अनुसार गैंडाकोट -१० पितौजीबाट २५६ किलो गाँजासहित भारतीय ट्रक चालक पुस्कल यादव पक्राउ परेको हुन्।

चेकजाँचको क्रममा नारायणगढबाट भैरहवातर्फ जाँदै गरेको जे एच ओ २ यु ७०६० नम्बरको भारतीय ट्रकमा लुकाई छिपाई ल्याएको अवस्थामा सो परिणाम बराबरको गाँजा बरामद गरेको कार्कीले बताउनुभयाे। ''२० वटा प्याकेटमा लुकाएर ल्याएको अवस्थामा गाँजा बरामद गरेका हौं '' उहाँले भन्नुभयाे।

पक्राउ परेका ट्रक चालक यादवलाई आवश्यक कारबाहीका लागि सशस्त्रको पितौंजी गुल्ममा राखिएको छ। घटनाबारे आवश्यक अनुसन्धान भइरहेको प्रहरीले जानकारी दिएको छ।

annapurnapost

पक्राउसशस्त्र प्रहरी

प्रकाशित मिति: बुधबार, माघ ९, २०८१, ४:३५ बेलुका

लेखक: समाचारपाटी