विराटनगर । स्रोत नखुलेको रकमसहित विराटनगर महानगरपालिका १५ बाट प्रहरीले सोमबार साँझ एक जनालाई पक्राउ गरेको छ।

प्रदेश १ प्रहरी कार्यालय विराटनगरका प्रवक्ता एसपी नवीनराज राईले मोरङको जहदा गाउँपालिका १ का ३२ वर्षीय उदियानन्द सरबरियालाई पक्राउ गरिएको जानकारी दिनुभयाे।

भारतबाट नेपालतर्फ पैदल आउँदै गरेका सरबरियालाई रानीस्थित इलाका प्रहरी कार्यालय सीमाबाट खटिएको टोलीले पक्राउ गरेको हो।

एसपी राईका अनुसार शंका लागेर चेकजाँच गर्दा सरबरियाको साथबाट नेपाली ३ लाँख ५६ हजार २ सय १० रूपैयाँ फेला परेको थियो। उक्त रकमको स्रोत खुलाउन नसकेपछि सरबरियालाई पक्राउ गरिएको उहाँले बताउनुभयाे।

बरामद गरिएको रकमसहित सरबरियालाई आवश्यक अनुसन्धान र कारबाहीका लागि मंगलबार राजस्व अनुसन्धान कार्यालय इटहरीमा बुझाइएको प्रहरीले जनाएको छ। सरबरियाको साथबाट बरामद भएको रकम अवैध हुण्डी कारोबारको भएको हुनसक्ने प्रहरीको आशंका छ।

पक्राउ

प्रकाशित मिति: मङ्लबार, फाल्गुन २, २०७९, ३:२५ बेलुका

लेखक: समाचारपाटी