काठमाडौं । एन्फा महिला लिग फुटबलमा आज नेपाल पुलिस क्लब र सशस्त्र प्रहरी बलको एपीएफ फुटबल क्लब खेल्दैछन् । खेल एन्फा कम्प्लेक्सको मैदान सातदोबाटोमा दिउँसो ३ बजे शुरू हुनेछ ।

हिजो भएको खेलमा त्रिभुवन आर्मी क्लबले स्याङ्जाको वालिङ नगरपालिकालाई ६–१ गोलले हराएको थियो । यो जीतसँगै आर्मी ७ खेलमा १६ अङ्कसहित तालिकाको दोस्रो स्थानमा छ । वालिङको भने यो लगातार सातौं हार हो ।

प्रतियोगितामा आर्मी, वालिङसहित एपीएफ, पुलिस र बाग्मती युथ क्लब छन् । लिगको पहिलो चरणपछि ५ वटा टोली दोस्रो चरणको सुपर फाइभमा पुगेका हुन् ।

अखिल नेपाल फुटबल सङ्घ ९एन्फा० को आयोजनामा भइरहेको एन्फा महिला लिग माघ १६ गतेसम्म चल्नेछ ।

एन्फा महिला लिगमाएपीएफ क्लबपुलिस खेल्दै

प्रकाशित मिति: सोमवार, माघ ७, २०८१, १२:५८ बेलुका

लेखक: समाचारपाटी