काठमाडौं । काठमाडौं महानगरपालिकाको फोहोर व्यवस्थापनमा ल्याण्डफिल साइटका स्थानीयले फेरि अवरोध गरेका छन्।

नुवाकोटको ककनी गाउँपालिकाका स्थानीयसँगै जनप्रतिनिधिले काठमाडौंबाट फोहोर बोकेर गएका गाडीहरु बाटोमै रोकिदिएका छन्।

बञ्चरेडाँडा ल्यान्डफिल साइटमा फोहोर बिसर्जन गर्न नदिने भन्दै उनीहरुले आन्दोलन थालेपछि फोहोर बोकेका ट्रकहरु बाटोमा नै रोकिएका छन्।

फोहोर र मानिसलाई सँगै राख्न नमिल्ने भन्दै उनीहरु आन्दोलनमा उत्रिएका हुन्। उनीहरुले विगतमा आफूहरुले पटक–पटक माग राख्दा पनि सुनुवाइ नभएकाले आन्दोलनमा उत्रेको दाबी गरेका छन्।

काठमाडौंको फोहोरफोहोर व्यवस्थापनस्थानीयले रोके फोहोरका गाडी

प्रकाशित मिति: सोमवार, साउन १, २०८०, १:०८ बेलुका

लेखक: समाचारपाटी