वासिङटन डिसी । संयुक्त राज्य अमेरिकामा यो मौसममा अहिलेसम्म कम्तीमा एक करोड ५० लाख मानिस चिसोको कारण बिरामी भएका अमेरिकी रोग नियन्त्रण तथा रोकथाम केन्द्र (सीडीसी) ले सार्वजनिक गरेको रिपोर्टमा जनाइएको छ।

शुक्रबार सार्वजनिक रिपोर्ट अनुसार अहिले एक लाख ५० हजार अस्पताल भर्ना भएका ९ हजार ३०० जनाको मृत्यु भइसकेको शुक्रबार सार्बजनिक सीडीसीको रिपोर्टमा उल्लेख छ।

अमेरिकामा मौसमी इन्फ्लुएन्जाको गतिविधि उच्च रहेको तर केही क्षेत्रमा घट्दो देखिएको सीडीसीले जनाएको छ।

सीडीसीको तथ्याङ्कअनुसार पछिल्लो हप्तामा अमेरिका फ्लुका कारण २३ हजार ५०० भन्दा बढी मानिस अस्पताल भर्ना भएका छन्।

इन्फ्लुएन्जासँग सम्बन्धित नौ बालबालिकाको मृत्यु यसै साता भएको छ भने यस मौसममा अहिलेसम्म ३० जनाको मृत्यु भएको छ।

रासस

अमेरिका

प्रकाशित मिति: आइतवार, पुस ३, २०७९, ९:४१ बिहान

लेखक: समाचारपाटी