यमनको हुथी समूहले आफ्ना पाँच जना लडाकुहरु अमेरिका–बेलायतको हवाई आक्रमणमा मारिएको बताएको छ । साथै ६ जना घाइते भएका बताएको छ । यसले हवाई आक्रमणपछि लाल सागरमा इजरायल जाने व्यावसायिक जहाजहरूमाथि आक्रमण जारी राख्ने वाचा गरेको छ । अमेरिका र बेलायतले आक्रमण गर्नुभन्दा केही घण्टा अघि नै घोषणा गरेका थिए । अमेरिका–बेलायत युद्धक विमानहरू आक्रमण गर्न आउनुभन्दा केही घण्टाअघि हुथीहरूले राजधानी साना र अन्य प्रान्तहरूमा आफ्ना शिविरहरू खाली गरेको देखियो । 

गाजामा इजरायलको आक्रमणको बिरोध गर्न अक्टोबर ७ मा इजरायल–हमास द्वन्द्व शुरु भएदेखि हुथी समूहले इजरायलसँग सम्बन्धित जहाजहरूमा आक्रमणहरू बढाएको छ ।
सिन्ह्वा

अमेरिका–बेलायतहवाई आक्रमण

प्रकाशित मिति: शनिबार, पुस २८, २०८०, ३:४१ बेलुका

लेखक: समाचारपाटी