अफगानिस्तानको केन्द्रिय बैंकले राष्ट्रिय मुद्रा अफगानीको स्थिरता कायम राख्न सोमवार २ करोड ५० लाख अमेरिकी डलर थप्ने घोषणा गरेको छ । मनी चेन्जर र निजी बैंकहरू लगायत बोलपत्रदाताहरूले केन्द्रिय बैंक द अफगानिस्तान बैंकमा अफगानीको रूपमा आवश्यक नगद जम्मा गर्नुपर्ने केन्द्रिय बैंकले बताएको छ । विगत एक महिनामा बैंकले अफगानीलाई स्थिर बनाउन र विदेशी मुद्राको तुलनामा यसको गिरावट रोक्न राष्ट्रको मुद्रा विनिमय बजारमा लाखौं अमेरिकी डलर थपेको छ । बैंकले २ करोड अमेरिकी डलर पनि लिलामी गरेको छ । हालैका हप्ताहरूमा अमेरिकी डलरको तुलनामा अफगानीले अवमूल्यन अनुभव गरेको छ । एक अमेरिकी डलरको लागि विनिमय दर लगभग ८०.५० अफगानी रहेको छ । जुन एक महिना अघि लगभग ६९.३० अफगानी थियो । 
सिन्ह्वा

अफगानिस्तानकेन्द्रिय बैंक

प्रकाशित मिति: मङ्लबार, माघ १५, २०८१, १:५१ बेलुका

लेखक: समाचारपाटी