काठमाडौं । गत मंगलबार आफ्नै घरमा मृत फेला परेका गायक तथा अभिनेता रविन तामाङको आज अन्त्येष्टि गरिँदै छ ।तामाङ परम्परा अनुसार स्वयम्भूमा अन्तिम संस्कार गरिने रविनको व्यवस्थापन समूहका आशिष पराजुलीले जानकारी दिनुभयाे ।

त्यसअघि अन्तिम श्रद्धाञ्जलीका लागि रविनको पार्थिव शरीरलाई आज बिहान नक्शालस्थित संगीत तथा नाट्य एकेडेमी नक्शालमा राखिने छ । रविनका दुई छोरीहरु छन् । उनीहरु फ्रान्समा बसोबास गर्ने भएकाले नेपाल आइपुग्न समय लागेकाले आज अन्त्येष्टि गर्न लागिएको हो ।

मंगलबार बेलुका तामाङ बुढानीलकण्ठ चिसेनीस्थित निवासमा मृत भेटिनुभएकाे थियाे । प्रारम्भिक पोस्टमार्टम रिपोर्टमा उहाँको मृत्यु मुटुको समस्याले भएको हुन सक्ने जनाइएको छ ।

रविन एण्ड द न्यु रिभोलुसनका गायक समेत रहनुभएकाे ६० वर्षीय तामाङले पछिल्लो समय फिल्ममा समेत अभिनय गर्दै आउनुभएकाे थियाे । नेपाली रक गायनलाई समाजसँग जोड्ने मामिलामा उहाँको योगदान महत्वपूर्ण मानिन्छ ।

अन्तिम संस्कारअन्त्येष्टिरविन तामाङ

प्रकाशित मिति: आइतवार, असार २४, २०८०, ८:५१ बिहान

लेखक: समाचारपाटी