काठमाडौं । काठमाडौंको थलीमा भएको सवारी दुर्घटनामा एक जनाको मृत्यु भएको छ । कागेश्वरी मनोहरा नगरपालिका-५ थलीमा बिहीबार राति प्रदेश ३-०१-०० ३ क ६४८८ नम्बरको गाडी र बाग्मती प्रदेश ०२९०३२ प ३३४१ नम्बरको मोटरसाइकल एक आपसमा ठक्कर खाएको थियो ।

दुर्घटनामा मोटरसाइकलमा सवार शंखरापुर नगरपालिका९८ साखु घुमार चोक घर भएका ३० वर्षीय सुलभ मोक्तानको मृत्यु भएको छ । दुर्घटनामा गम्भीर घाइते हुनुभएकाे उहाँको नारायणटारस्थित शंखरापुर अस्पतालमा उपचारको क्रममा मृत्यु भएको प्रहरीले जनाएको छ ।

दुर्घटनामा घाइते हुनुभएका मोटरसाइकल चालकको उपचार भइरहेको छ । गाडी चालक फरार छन्, फरार चालकको खोजी भइरहेको प्रहरीले जनाएको छ ।

दुर्घटना

प्रकाशित मिति: शुक्रबार, मंसिर १५, २०८०, १:५६ बेलुका

लेखक: समाचारपाटी