जोर्डनका राजा अब्दुल्लाह द्वितीयले मध्यपूर्व क्षेत्रमा व्यापक शान्ति प्राप्त गर्ने दिशामा पहिलो कदम गाजामा इजरायली युद्ध रोक्नु रहेको बताउनुभएको छ । जसलाई तत्काल र गम्भीर विश्वव्यापी कार्यको आवश्यकता रहेको बताउनु भयो । अकाबामा अमेरिकी विदेशमन्त्री एन्टोनी ब्लिन्केनसँगको राजाको बैठकको क्रममा दुवै पक्षले गाजामा मानवीय प्रतिक्रिया बढाउने प्रयासलाई पनि सम्बोधन गरेका छन् । राजाले वेस्ट बैंकमा एकपक्षीय इजरायली उपायहरूबाट उत्पन्न हुने खतराहरू र यरूशलेमका पवित्र स्थलहरूमा निरन्तर आक्रमणको बारेमा पनि चेतावनी दिनुभएको छ । यसैबीच राजाले सिरियाको सुरक्षा र यसका नागरिकहरूको सुरक्षाको महत्वलाई जोड दिँदै सिरियाली जनताको छनौटलाई जोर्डनले सम्मान गरेको बताउनु भयो । उहाँले दुई राज्य समाधान नै न्यायपूर्ण र व्यापक शान्ति प्राप्त गर्न र यस क्षेत्रलाई थप द्वन्द्वमा जानबाट रोक्नको लागि एक मात्र उपाय भएको बताउनु भयो । 
सिन्ह्वा

जोर्डनराजा अब्दुल्लाह

प्रकाशित मिति: शुक्रबार, मंसिर २८, २०८१, १:३७ बेलुका

लेखक: समाचारपाटी