नयाँ दिल्ली । भारतको पूर्वी राज्य झारखण्डको एक निजी अस्पतालमा आगलागी हुँदा डाक्टर दम्पतीसहित ६ जनाको मृत्यु भएको छ।  धनवाद जिल्लाको बैंकमोर क्षेत्रमा रहेको हाजरा अस्पतालमा शुक्रबार राती करिब १ बजेतिर आगो सल्केको थियो ।  आगलागी हुँदा सबैजना सुतिरहेका थिए । डाक्टरको शव बाथटबमा फेला परेको छ । आफूलाई बचाउन उहाँ पानीको टबमा बसेको बताउनुभयाे ।  

आगलागीको कारण खुल्न नसकेको तर प्रारम्भिक अनुसन्धानपछि प्रहरीले स्टोर रुमबाट आगलागी भएको हुन सक्ने बताएको छ । आगलागी हुँदाको भिडियो पनि सार्वजनिक भएको छ । भिडियोमा डाक्टर हाजरा झ्यालबाट आफूलाई बचाउन बिन्ती गर्दै हुनुहुन्छ। दमकल र तलका मानिसहरू उहाँलाई चिन्ता नगर्नुहोस्, डाक्टर, हामी आउँदैछौं भनिरहेका छन्। 

डाक्टर आफ्नो परिवारसहित क्लिनिकको पहिलो तल्लामा बस्थ्नुहुन्थ्याे। दुर्घटनामा डाक्टर दम्पती, उहाँकी कामदार, डा हाजराका भतिजासहित ६ जनाको निसास्सिएर मृत्यु भएको हो। सबैको शव विभिन्न कोठाबाट निकालिएको छ ।

दैनिक भास्कर

आगलागी

प्रकाशित मिति: शनिबार, माघ १४, २०७९, १:३५ बेलुका

लेखक: समाचारपाटी