दाङ । दाङमा जीपले स्कुटरलाई ठक्कर दिँदा शिक्षिकाको मृत्यु भएको छ ।
आज बिहान पश्चिम हापुरेबाट तुलसीपुर आउँदै गरेको रा १ ज ९२३ नं को जीपले रा ७ प ४२३७ नं को स्कुटरलाई दङ्गीशरण गाउँपालिका–५ कमलगढीमा ठक्कर दिएको हो ।
दुर्घटनामा तुलसीपुर उपमहानगरपालिका–९ बेलुवाकी ३७ वर्षीया शिक्षिका सीता लम्सालको मृत्यु भएको हो । उहाँलाई विद्यालय जाने क्रममा जीपले ठक्कर दिएको तुलसीपुर इलाका प्रहरी कार्यालयले जनाएको छ ।
जीपको ठक्करबाट गम्भीर घाइते हुनुभएकी सीताको तुलसीपुरकै राप्ती प्रादेशिक अस्पतालमा सामान्य उपचारपछि थप उपचारका लागि नेपालगञ्ज लैजाँदै गर्दा मृत्यु भएको हो ।
सीता शान्तिनगरमा रहेको धनौरी माविमा पढाउनुहुन्थ्यो ।