काठमाडौं । पोखराको पृथ्वी चोकमा बसको ठक्करबाट स्कुटर चालकको ज्यान गएको छ । आज बिहीवार दिउँसो पृथ्वी चोकको चाइना पुलमा बसले स्कुटरलाई ठक्कर दिँदा पोखरा महानगरपालिका २६ बुढीबजारकी २६ वर्षीया रेजीना आचार्यको ज्यान गएको हो ।

बुद्ध चोकबाट पृथ्वी चोक आउँदै गरेको ना ८ ख ५२५१ नम्बरको बसले त्यही दिशाबाट आउँदै गरेको ग १५ प २४७६ नम्बरको स्कुटरलाई ठक्कर दिएको थियो ।

दुर्घटनामा गम्भीर घाइते भएकी आचार्यको उपचारका क्रममा ज्यान गएको कास्कीका प्रहरी प्रमुख अजय केसीले जानकारी दिनुभयो ।

दुर्घटनापछि बस चालक लमजुङका ३१ वर्षीय सुनिल नेपालीलाई पक्राउ गरी थप अनुसन्धान भइरहेको प्रहरीले जनाएको छ ।

पोखरा

प्रकाशित मिति: बिहिबार, माघ २६, २०७९, ५:१६ बेलुका

लेखक: समाचारपाटी