काठमाडौं । बारामा मोटरसाइकल दुर्घटनामा परि एक प्रहरी जवानको मृत्यु भएको छ । हिजो बिहान ज १२ प ७१५४ नम्बरको मोटरसाइकल अनियन्त्रित भइ दुर्घटना हुँदा कञ्चनपुर भीमदत्त नगरपालिका–११ घर भइ इलाका प्रहरी कार्यालय निजगढ बारामा कार्यरत प्रहरी जवान आकाश सुनारको मृत्यु भएको हो ।

निजगढ नगरपालिका ८ बाट जितपुरसिमरा उपमहानगरपालिका–१६ काँठगाटतर्फ मोटरसाइकल चोरी गरी लैजाँदै गरेको गोप्य सूचनाका आधारमा खोजतलास गर्दै जाने क्रममा सुनारको मोटरसाइकल दुर्घटना भएको हो ।

टाउको, अनुहार र शरीरका विभिन्न भागमा चोट लागेर गम्भीर घाइते भएका उहाँको उपचारका क्रममा एलएस न्यूरो अस्पतालमा मृत्यु भएको हो ।

A policeman died in a motorcycle accidentप्रहरी जवानको मृत्युमोटरसाइकल दुर्घटना

प्रकाशित मिति: आइतवार, कार्तिक १२, २०८०, ८:३५ बिहान

लेखक: समाचारपाटी