काठमाडौं । बझाङमा ट्रकले ठक्कर दिँदा मोटरसाइकल पछाडि सवार युवतीको मृत्यु भएको छ।

बझाङको केदारस्यूँ गाउँपालिकाको वडा नम्बर २ र ४ को सिमाना बजुवा बगर नजिक भएको दुर्घटनामा अन्दाजी २० वर्षकी युवतीको मृत्यु भएको हो।

धनगढीबाट आइरहेको सुदूरपश्चिम प्रदेश ०१००१ ख ३०७१ नम्बरको मालबाहक ट्रकले सुदूरपश्चिम प्रदेश ०१०१० प ५३१७ नम्बरको मोटरसाइकललाई ठक्कर दिएको जिल्ला प्रहरी कार्यालय बझाङले जनाएको छ।

​​घटनालगत्तै मोटरसाइकल चालक र ट्रक चालक फरार छन्।

मृत्यु

प्रकाशित मिति: सोमवार, माघ २३, २०७९, ११:५४ बिहान

लेखक: समाचारपाटी