धादिङ । धादिङमा गुडिरहेको बसमा आगलागी भएको छ । नीलकण्ठ नगरपालिका–१ पात्लेबाट काठमाडौं जाँदै गरेको ग १ ख ४८४६ नम्बरको बस धुनिबेसी–९ गणेशस्थानमा पुग्दा एक्कासी आगो लागेर जलेको प्रहरीले जनाएको छ।

बसको इञ्जिनबाट धुवाँ आउनेबित्तिकै यात्रुलाई बाहिर निकालिएको र मानवीय क्षति हुन नपाएको पनि प्रहरीले जानकारी दिएको छ । बसमा रहेका ३३ जना यात्रु सुरक्षित रहेका छन् ।

दमकल र स्थानीयवासीले आगो निभाए पनि बस भने जलेर काम नलाग्ने अवस्थामा पुगेको छ।

बसमा आगलागी

प्रकाशित मिति: शनिबार, बैशाख ३०, २०८०, २:१८ बेलुका

लेखक: समाचारपाटी