सप्तरी । चट्याङ लागेर सप्तरीमा एक किसानको मृत्यु भएको छ । चट्याङ लागेर विष्णुपुर गाउँपालिका–७ विष्णुपुर टोलका ७० वर्षीय रामप्रसाद रामको मृत्यु भएको हो ।

घर नजिकैको खेतमा काम गरिरहेका बेला वर्षाको पानीसँगै परेको चट्याङ लागेर रामको मृत्यु भएको जिल्ला प्रहरी कार्यालय सप्तरीले जनाएको छ ।

घाइते रामको उपचारका क्रममा गजेन्द्रनारायण सिंह अस्पताल राजविराजमा ज्यान गएको अस्पतालले जानकारी दिएको छ ।

चट्याङ लागेर किसानको मृत्यु

प्रकाशित मिति: शुक्रबार, असार २२, २०८०, ८:४८ बेलुका

लेखक: समाचारपाटी