काठमाडौं l हिजो उच्च अङ्कले बढेको शेयर बजार आज सामान्य बढेको छ । शेयर बजार परिसूचक नेप्से आज २।४१ अङ्कले बढेर २ हजार ७ सय ३०।०० विन्दुमा पुगेको छ ।

आज विकास बैंक, फाइनान्स, होटल, जलविद्युत्, लगानी र अन्य बाहेक सबै समूहको शेयर सामान्य बढेको छ ।

आज उपकार लघुवित्त र भूगोल इनर्जी डेभलपमेन्ट कम्पनीको शेयर १० प्रतिशतले बढेर सकारात्मक सर्किट लागेको छ । समग्रमा बजार बढेको दिन ग्रीन विकास बैंक र रिभर फल्स पावर कम्पनीको शेयर १० प्रतिशतले घटेर नकारात्मक सर्किट लागेको छ ।

आज नेप्से बढे पनि कारोबार रकम भने घटेको छ । हिजो झन्डै १३ अर्बको कारोबार भएकोमा आज २ करोड ३७ लाख कित्ता शेयर ११ अर्ब ८७ करोड रुपैयाँमा किनबेच भएको छ ।

उच्च अङ्कले बढेकोशेयर बजार आज सामान्य छ

प्रकाशित मिति: सोमवार, माघ २१, २०८१, ३:३८ बेलुका

लेखक: समाचारपाटी