पोखरा । फोर नेसन्स इन्टरनेसनल एजुकेसन एन्ड भिसा सर्भिसेजले पोखरामा शाखा विस्तार गरेको छ ।

अष्ट्रेलियाको सिड्नीमा केन्द्रीय कार्यालय रहेको फोर नेसन्सका प्रिन्सिपल विलियम इ डाइजले शुक्रबार आयोजित कार्यक्रममा चिप्लेढुंगामा स्थापित शाखा सुरुआत गरे । उनले अष्ट्रेलियाको शिक्षा र त्यसपछि उपलब्ध हुने अवसर विश्वमै अब्बल रहेको बताए । इमिग्रेसन लयरसमेत रहेका डाइजले भने, ‘अष्ट्रेलिया अद्भूत अवसर भएको सुन्दर मुलुक हो । हामी त्यहाँ जान चाहने विद्यार्थीलाई सबै प्रकारका सेवा दिन्छौं ।’

अष्ट्रेलियाले अहिले २ सय प्रकारका भिसा दिइरहेका जनाउँदै विशेष दक्षता भएकाहरु जाने चाहे पनि आफूहरुले सघाउने उनले बताए । सन् २००६ मा स्थापना भएको फोर नेसन्सले हालसम्म ३० हजारभन्दा बढी विद्यार्थीलाई अध्ययनका लागि अष्ट्रेलिया जान सघाएको कम्पनीको दाबी छ ।

कम्पनीका ग्लोबल बिजनेस डेभलपमेन्ट म्यानेजर कोमलराज पाठकले नेपाली विद्यार्थीको रुचि, अध्ययन र त्यसपछिका अवसर हेर्दा अस्ट्रेलिया आकर्षक देश भएको बताए । उनले भारत, भियतनाम र नेपालमा कार्यालय रहेको फोर नेसन्सले दिएको सेवाबाट अहिलेसम्म विद्यार्थीहरु सन्तुष्ट रहेको बताए ।

कन्सल्टेन्सीका पोखरा शाखा प्रमुख नारायण सुवेदीले कास्की र आसपासका जिल्लामा रहेको विद्यार्थीलाई लक्षित गरी शाखा खोलिएको बताए । अष्ट्रेलिया, अमेरिका र क्यानडामा उच्च शिक्षा अध्ययनमा जान चाहने विद्यार्थीलाई उचित परामर्श र प्रक्रियामा सहयोग गरिने उनको भनाइ छ ।

4nations internationalgandaki pradesh

प्रकाशित मिति: शनिबार, मंसिर १७, २०७९, ६:१६ बेलुका

लेखक: समाचारपाटी