काठमाडौं । बर्दी लगाएर टिकटक भिडिओ बनाउने २०८ जना प्रहरी कारबाहीमा परेका छन्।

प्रहरी प्रधान कार्यालयले ‍बर्दी लगाएर भिडिओ बनाउने र सामाजिक सञ्जालमा राख्ने प्रहरीलाई कारबाही गरेको हो।

२०७७ सालदेखि चालु आर्थिक वर्षको असार २२ गतेसम्म २०८ जना प्रहरीलाई कारबाही गरिएको प्रहरीको केन्द्रीय प्रवक्ता प्रहरी नायब महानिरीक्षक डिआइजी कुबेर कडायतले जानकारी दिनुभयो।

उहाँका अनुसार २०७७र७८ मा ८२ जना, २०७८र७९ मा ३० जना र २०७९र८० मा ९६ जना प्रहरीलाई कारबाही गरिएको हो।

‘पहिलोपटक चेतावनी दिन्छौँ। दोहोरिएमा एक दिनको तलब कटौटी गर्नेदेखि वढुवा रोक्कासम्म हुन्छ,ʼ डिआइजी कडायतले भन्नुभयो।

२०७७ असोज २२ गते प्रहरी प्रधान कार्यालयले अनुमति नलिई भिडिओ, चलचित्र, टेलिचलचित्र, टिकटक भिडिओ बनाएको पाइएमा कारवाही गर्ने चेतावनी दिएको थियो।

तर, ३ वर्षसम्म पनि सामाजिक सञ्जालमा प्रहरी पोसाकको दुरूपयोग रोकिएको छैन। बर्दीमै भिडिओ बनाएको आरोपमा दैनिक दुईरचार जना प्रहरी कारबाहीमा परिरहने डिआइजी कडायतले जानकारी दिनुभयो।

हरी कारबाहीमा

प्रकाशित मिति: शुक्रबार, असार २९, २०८०, ५:२३ बेलुका

लेखक: समाचारपाटी