स्याङ्जा फेदीखोला २ खडकेटारीमा रहेको परिवर्तन युवा समुहले आयोजना गरेको परिवर्तन तीज विशेष कार्यकम सम्पन्न भएको छ । हिन्दुनारीहरूको महान चाँड हरीतालिका तीजको अवसरमा परिवर्तन युवा समुहले तीज विशेष कार्यक्रम तीजको दोस्रो दिन असोज १ गते सोमबार आयोजना गरेको थियो । फेदीखोला २ खडकेटारीमा काला भैरब मावि को प्राङ्गणमा कार्यक्रम सम्पन्न भएको हो ।

कार्यक्रममा ख्याति प्राप्त लोकदोहरी कलाकार निर्दैशक मनोज विक भावुक, गायिका तारा पौडेल, गायक रमेश कार्की, सावल कार्की ,गायक जिवन थापा लगायको प्रस्तुति , स्थानिय आमा समुहहरूको तीज गीत प्रतियोगिता , विभिन्न उमेर समुहहरूको नृत्य प्रतियोगिता रहेको थियो ।

कार्यक्रमका प्रमुख अतिथि फेदिखोला गाउँपालिकाका अध्यक्ष घनश्याम सुवेदिले व्यानर पढेर कार्यक्रमको उद्घाटन गर्नुभएको थियो । कार्यक्रममा स्वागत मन्तव्य परिवर्तन युवा समुहका उपाध्यक्ष पदम बहादुर अधिकारी सुदिपले राख्नुभएको थियो।

कार्यक्रममा तीज गीत प्रतियोगिता सहभागि स्थानिय आमा समुहहरूलाई चिठ्ठा थुत्न लगाएर पहिला नम्बर पर्नेले पहिला गीत गाउनुपर्ने नियम राखिएको थियो । नम्बर अनुसार स्थानिय आमा समुहहरूले आफ्नो प्रस्तुति राखेका थिए ।

तीज गीत प्रतियोगिता पछि १ देखी १५ वर्ष उमेर समुह, १५ दखी ४० वर्ष उमेर समुह, ४० देखी माथीको उमेर समुह गरी नृत्य प्रतियोगिता भएको थियो ।

तीज गीत प्रतियोगिता र उमेर समुह नृत्य प्रतिस्पर्धामा उत्कृष्ट गायन र नृत्य को लागि निर्दैशक मनोज विक भावुक, गायक जिवन थापा र गायिका तारा पौडेल तिन जनाको निर्णायक मन्डलले पहिलो , दोस्रो ,तेस्रो चुन्नुभएको थियो । निर्दैशक मनोज विकले गाउने कलाहरू मादल बजाउने कला नृत्य गर्ने कलाको बारेमा आफ्नो अनुभव राख्नुभएको थियो ।

तीज गीत प्रतियोगितामा खडकेटारीको सेवा आमा समुह प्रथम ,वातावरण आमा समुह दोस्रो , बडाचौर आमा समुह तेस्रो स्थान हासिल गर्ने सफल भएको थियो ।

प्रतियोगितामा पहिलो , दोस्रो ,तेस्रो हुनेहरूलाई परिवर्तन युवा समुहले राखेको पुरस्कार तथा प्रमाण पत्र अतिथिहरूबाट हस्तान्तरण गरिएको थियो ।

कार्यक्रमका प्रमुख अतिथि फेदिखोला गाउँपालिकाका अध्यक्ष घनश्याम सुवेदि, विशिष्ट अतिथि फेदिखोला गाउँपालिका २ का वडा अध्यक्ष अविलास गुरूङ, देवि थापा निवर्तमान वडा अध्यक्ष हिमालय जंग बानिया ,परिवर्तन युवा समुहका सल्लाकार समयोजक जित जंग कार्कीले शुभकामना मन्तव्य राख्नुभएको थियो ।

परिवर्तन तीज विशेष कार्यकमको लागि परिवर्तन युवा समुहलाइ फेदीखोला गाउँपालिका ,वडा ,विभिन्न संघ सस्थाहरू व्यक्तिहरूले आर्थिक रकम सहयोग गर्नुभएको थियो ।

परिवर्तन तीज विशेष कार्यकमका अतिथि सम्पूर्णलाइ परिवर्तन युवा समुहका अध्यक्ष मनोज कार्कीले मायाकाे चिनाे प्रदान गर्नुभएकाे थियाे ।

कार्यक्रम सचिव हिक्मत जंग कार्कीले संचालन गर्नुभएको थियो । कार्यक्रमका सभा अध्यक्ष परिवर्तन युवा समुहका अध्यक्ष मनोज कार्कीले कार्यक्रमको बारेमा प्रकाश पार्दै सम्पूर्ण अतिथिहरूलाइ कार्यक्रमलाइ उत्कृष्ट र रमाइलो बनाएकोमा धन्यवाद दिदै कार्यक्रम समापन भएको थियो ।

तीज विशेष कार्यकमपरिवर्तन युवा समुह

प्रकाशित मिति: मङ्लबार, अशोज २, २०८०, ३:१७ बेलुका

लेखक: समाचारपाटी