काठमाडौँ । हिट फिल्म ‘बोबी’की अभिनेत्री कविता गुरुङको कविता संग्रह ‘मेरो कविताको शीर्षक छ’ लोकार्पण गरिएको छ । शुक्रबार राजधानीमा आयोजित एक कार्यक्रमकाबीच चलचित्र निर्देशक समाजका अध्यक्ष जनकदीप पराजुली, निर्माता संघका कोषाध्यक्ष ज्योती राई लगायतले कविता संग्रहको ‘सट लिष्ट’ सार्वजनिक गर्नुभयाे ।

कार्यक्रममा अभिनेत्री गुरुङले आफ्नो जीवनका भोगाईका अनुभवहरु कविता मार्फत उतारेको बताउनुभयाे । ‘म राम्रो कवि, साहित्यकार होइन । आफुले लेखेको कविता सबैलाई सुनाउन, देखाउन मनलागेको सार्वजनिक गरेकी हुँ’ अभिनेत्री गुरुङले भन्नुभयाे । गुरुङले सार्वजनिक गरेको ‘सट लिष्ट’मा १० वटा कविता छन् । आगामी दिनमा अन्य कविता समेत थपेर पुस्तकमा ल्याउने सोच छ । नर्बेमा बस्दै आएकी अभिनेत्री गुरुङ कविता सार्वजनिकका लागि मात्रै केही दिन अगाडि नेपाल आउनुभएकाे हाे । ‘भोलीका दिन म नरहुँला, समयले नदेला, ममा जोस नहोला, मेरो कविता त्यतिकै थन्किएर बस्ला’, उहाँले अगाडि थप्नुभयाे ‘जे जति कविता तयार भयो । त्यो सुनाउनुपर्छ, देखाउनुपर्छ भनेर नेपाल आएकी हुँ ।’ अगामी दिनमा पनि कविता लेखनलाई निरन्तरता दिने सोच आफ्नो रहेको उहाँले सुनाउनुभयाे । ‘जव मलाई मनले, भोगाइले कविता लेख भन्छ लेख्छु’, गुरुङले थप्नुभयाे ‘मैले पहिलो चोटी ‘बोबी’ फिल्म अभिनय गरे । मिडियाका साथीभाइले राम्रोसँग साथ दिनुभयो । गत बर्ष पुस्तक ल्याए । त्यसमा पनि साथ पाए ।’ पटकपटक साथ र सपोट गर्नेसँग भेट्नका लागि कविताको बहानमा नेपाल आएको उहाँको भनाई थियो । पहिलो पटक कोरेको कविता श्रीमान्लाई सुनाउदा राम्रो भनेकोले अन्य कविता पनि आफुले कोरेको कार्यक्रममा उहाँले बताउनुभयाे । कार्यक्रममा चलचित्र निर्देशक समाजका अध्यक्ष जनकदीप पराजुलीले अभिनेत्री गुरुङको आट र क्षमताको आफु सधै प्रसंसक रहेको बताउनुभयाे ।

‘कतिपयले कविता पुस्तक बनाएपछि सार्वजनिक गर्छन् । उहाँले लेख्न थालेपछि जानकारी दिनुभयाे’, पराजुलीले भन्नुभयाे ‘यस्तो कार्यक्रम पहिलो पटक हो, पहिलो भएपनि राम्रो सुरुवात भयो ।’ कविताले पुस्तक पुरा गरेर सार्वजनिक गर्नेमा आफु आसावादी रहेको पराजुलीले बताउनुभयाे । ‘अलिअलि गीत र कविता त म पनि लेख्दै आएको छु’ पराजुलीले भन्नुभयाे ‘गुरुङको कवितामा मैले धेरै यर्थात पाए, मनछाेयाे ।’ गुरुङमा राम्रो साहित्यकारमा हुने छनक आफुले देखेको बताउनुभएका पराजुलीले कवितालाई पुस्तक सबै पाठक माँझ पुर्याउन समेत सुझाउनुभयाे । त्यस्तै चलचित्र निर्माता संघका कोषाध्यक्ष ज्योती राइले अभिनेत्री गुरुङको कवितामा यर्थात र जीवन भोगाइका अनभुव भएकोले सबैको जीवनसँग कहिन कही मेल खाने रहेको बताउनुभयाे । कार्यक्रममा कविताले ‘नबुझ्दा’, ‘मनमा लागेका सबैकुराहरु’, ‘भेट्नुछ एकचोटी अव फेरि’ शीर्षकका तीन कविता समेत बाचन गरेर सुनाउनुभएकाे थियाे । अभिनेत्री गुरुङले गतबर्ष ‘म अनि मेरो’ नामक आत्मकथा पुस्तक ल्याउनुभएकाे थियाे । जसमा उहाँले कलेज लाइफ, उमेश थापासँग प्रेम र अन्तर्जातीय विवाह, माइती पक्षको अवरोध, बुहारी हुँदाको अनुभव र नेपालदेखि नर्वेसम्मको यात्रालाई उतार्नुभएकाे थियाे । अहिले सार्वजनिक कविता संग्रहमा पनि जीवनका त्यही कालखण्डका भोगाइ छ । कविता र उमेशले परिवारको सहमतीबीना भागेर अन्तर्जातीय विवाह गरेका थिए । विवाहपछि भागेर नर्बे पुगेका उनीहरुको प्रेमकथामा केह बर्ष अगाडि ‘बोबी’ फिल्म निर्माण भएको थियो । जुन फिल्ममा कविता र उमेश नै मुख्य भुमिकामा थिए । उनीहरुको जोडी र फिल्म दर्शकले रुचाएका थिए ।

अभिनेत्री कविता गुरुङफिल्म ‘बोबीलोकापर्ण

प्रकाशित मिति: शुक्रबार, साउन २६, २०८०, ३:१८ बेलुका

लेखक: समाचारपाटी