काठमाडौं । नेपाली कांग्रेसका महामन्त्री गगन थापाले लघुवित्तबाट ऋण लिएकाहरुको समस्या समाधानको उपाय सुझाउनुभएकाे छ ।

बुधबार प्रतिनिधिसभाको शून्य समयमा बोल्दै उहाँले सबै पक्ष जिम्मेवार भएर यो समस्या समाधान गरिनुपर्ने बताउनुभयाे । यसका लागि राष्ट्र बैंकले तत्काल केही कदम चाल्नुपर्ने उहाँको भनाइ छ ।

महामन्त्री थापाले सुरुमै भन्नुभयाे, ‘अति न्युन आए भएका गरिबलाई गरिबीको आहलबाट निकाल्नको लागि काम होला भनेको कैयन लघुवित्त संस्थाको कारणले गर्दा गरिबहरु थला पर्न बाध्य भएका छन् ।’

अनुचित नाफा कमाउन जे पनि गर्ने लघुवित्त संस्था, तत्कालको गर्जो टार्नका लागि जहाँबाट जस्तो भए पनि ऋण लिने ग्राहक र अनुमति दिँदै गर्दा हात फैलाउने तर परीवेक्षण गर्दै गर्दा मुठ्ठी कस्ने राष्ट्रबैंकका कारण लघुवित्तमा समस्या आएको उहाँले बताउनुभयाे ।

समस्या सँगसँगै समाधानको उपाय पनि उहाँले सुझाउनुभएकाे छ र ती सुझाव कार्यान्वयन गर्न राष्ट्र बैंकको ध्यानकर्षण पनि गराउनुभएकाे छ ।

उहाँले सुझाएका सुझाव

१ साँच्चिकै मर्कामा परेकाहरुको राहतका लागि चाहे त्यो सीएसआर फण्ड होस चाहे क्लाइन्ट प्रोडक्सन फण्ड होस् त्यो बैंक र वित्तीय संस्थाहरुसँग छ त्यो फण्डको प्रयोग गर्ने

२ बदनीयतका साथ काम गर्ने लघुवित्त संस्थाहरुलाई कारबाही गर्ने ।

३ एउटा ऋणीले एउटा मात्रै संस्थाबाट ऋण लिन पाउने प्रावधान थपेर राष्ट्र बैंकको निर्देशिकाको प्रभावकारी कार्यान्वयन गर्ने ।

४ सुपरीवेक्षण गर्ने कामलाई तल्लो तहसम्म लिएर जाने

५ वित्तीय साक्षरतालाई स्थानीय सरकारसँगको साझेदारीमा तल्लो तहसम्म लिएर जाने ।

महामन्त्री गगन थापालघुवित्त संस्था

प्रकाशित मिति: बुधबार, फाल्गुन १०, २०७९, ३:१५ बेलुका

लेखक: समाचारपाटी