काठमाडौं । ललितपुर महानगरपालिकाका प्रमुख चिरिबाबु महर्जनले काठमाण्डौं उपत्यकामा अब मेट्रो रेलको विकल्प नरहेको बताउनुभएकाे छ ।

शनिबार ललितपुर महानगरपालिकाको १०४ औं स्थापना दिवसका अवसरमा उहाँले मेट्रो रेल धेरै महंगो छ भनेर पछि हट्न नहुने पनि धारणा राख्नुभयाे । अब पनि मोटरसाइकलको बिक्री बढाएर उपत्यकामा ट्राफिक जाम बढाउनु भन्दा मेट्रो रेल सञ्चालनका लागि आवश्यक तयारी थाल्नुपर्ने उहाँको भनाइ छ ।

‘काठमाण्डौं उपत्यकामा अब मेट्रो (रेल) को विकल्प छँदै छैन । आज निर्णय गर्नसक्यौं भने अर्को १० देखि १५ वर्षसम्ममा त्यो सकिन्छ । मेट्रो ज्यादै महंगो छ रे भन्ने सुन्ने गरेको छु । सस्तो के छ त रु अबको १५ वर्षपछि काठमाण्डौं उपत्यका भित्रको जनसंख्या ६० लाख पुग्छ । यसको विकल्प के त रु यही मोटरसाइकल ल्याउने रु’ मेयर महर्जनले भन्नुभयाे ।

मेट्रो रेलको विकल्प मोेटरसाइकल किमार्थ हुन नसक्ने दाबी गर्दै उहाँले महंगो भयो भनेर मेट्रोको योजना नबनाउनु उचित नहुने बताउनुभयाे ।

‘अन्तर्राष्ट्रिय अध्ययन अनुसार पनि ३० लाँख जनसंख्या भएको ठाउँका लागि मेट्रो अपरिहार्य छ । विलम्व नगरी यो काम अघि बढाऔँ । यसको लागि नेपाल सरकारको अनुहार हेरेर बस्ने हो भने केही पनि हुँदैन । त्यसको लागि काठमाण्डौं र ललितपुर महानगरपालिका लगायत काठमाण्डौं उपत्यकाका १८ वटा पालिकाले राम्रो भूमिका खेल्नुपर्छ’ उहाँले भन्नुभयाे । मेयर महर्जनले मेट्रो रेल सञ्चालनका लागि काठमाण्डौं महानगरपालिकाका मेयरले प्रमुख भूमिका खेल्नुपर्ने पनि बताउनुभयाे ।

ललितपुर महानगरपालिका

प्रकाशित मिति: शनिबार, पुस २, २०७९, ४:५२ बेलुका

लेखक: समाचारपाटी