पोखरा महानगरपालिका–१३ मा सिचाँईको नहर एक्कासी खोलिदिदाँ बगेर महिलाको मृत्यु भएको छ । पोखरा–१३ दुई कुलाको मुहान स्थित टास्क हाइड्रोपावरले प्रयोग गर्दै आइरहेको सिँचाईको नहर एक्कासी खोलिदिदा पानी निकाल्दै गरेकी कञ्चनटोलकी ४५ वर्षिया मिना कुमारी केसीको मृत्यु भएको प्रहरीले बताएको छ ।

जिल्ला प्रहरी कार्यालय कास्कीका निमित्त सूचना अधिकारी प्रहरी निरीक्षक ज्ञानबहादुर खड्काले टास्क हाइड्रोपावर नजिकै केसीको शव फेला परेको जानकारी दिनुभयाे । आइतबार करिब साढे पाँच बजेको समयमा विजयपुर खोलाको बगरमा शव भेटिएको हो । उहाँको शव घोप्टि परेको अवस्थामा फेला परेको । वडा प्रहरी कार्यालय रामबजारबाट प्रहरी निरीक्षक किरण राउनको कमाण्डमा खटिएको टोलीले शव निकालि पोस्टमार्टमका लागि पोखरा स्वास्थ्य विज्ञान प्रतिष्ठान (गण्डकी अस्तपाल) लगिएको हो ।

आइतबार अपराह्न बारीमा पानी हाल्नका लागि डोरीको सहायताले पानी निकाल्दै गर्दा एक्कासी नहर आएपछि बगाउँदा उहाँको मृत्यु भएको स्थानीयले बताउनुभयाे । उहाँ प्याजमा पानी हाल्न जानुभएकाे थियाे । नहर सुकेको र भाडोमा डोरी बाधिँ पानी उघार्दै बारीमा हाल्दा एक्कासी नहर खोलिदिएपछि उहाँलाई पनि बगाएको उहाँका देवर शिवा केसीले जानकारी दिनुभयाे ।

यस्तै सिँचाईका एक कर्मचारीले हाइड्रो पावरलाई बारम्बार दुर्घटनाका बारेमा जानकारी गराएपछि वेवास्ता गर्दै आएको बताउनुभयाे । ‘मान्छे मरेको यो पहिलो घटना हो तर त्यहाँ पशुचौपाय कति मरेमरे । यो बारेमा हामीले पटक पटक सचेत गरायौं जोखिम बारे पनि भन्यौ जहिले हुन्छ भन्छ तर काम गरिदिन्न’ उहाँले भन्नुभयाे ।

सिचाईँ विभाग जलस्रोत तथा सिंचाई विकास डिभिजन कार्यालय कास्कीकी सूचना अधिकारी इन्जिनियर गीताञ्जली आचार्यले घटनाबारे आफुहरु अनविज्ञ रहेको बताउनुभयाे । उहाँले सिंचाईका लागि रहेको नहर बन्द र खुल्ने समयको सिमा नहुने बताउनुभयाे । उक्त दिन सिचाईले गेट बन्द नै राखेको तर हाइड्रोपावरको कारण दुर्घटना भएको बताउनुभयाे ।

पोखरा महानगरपालिका १३ का वडाअध्यक्ष किरण बरालले हाइड्रो पावरको लापरवाहिका कारण घटना घटेको बताउनुभयाे । उहाँले पटक पटक हाइड्रो पावरसँग कुराकानी गरे पनि उनिहरुले समस्या समाधान कहिल्यै नगरेको सुनाउनुभयाे । उक्त स्थानमा यस अघि मानविय क्षति नभएपनि पशुचौपायाहरुको मृत्यु भए राखेको बताउनुभयाे । ‘हामीले त्यो जोखिमपूर्ण छ भन्दै हाइड्रोपावरसँग पटक पटक कुराकानी गरेका छौं । हामी निर्वाचित भएर आइसकेपछि पनि स्थानीयको समस्या तथा गुनासाहरु लिएर २–३ पटक हामी छलफलमा गएका छौं । तर त्यसलाई उहाँहरुले व्यवास्ता गर्दै आउनुभएको छ’ उहाँले भन्नुभयाे,‘ यो सरासर मनलाग्दी हो ।

पोखरा महानगरपालिका

प्रकाशित मिति: बुधबार, मंसिर २८, २०७९, ९:०४ बिहान

लेखक: समाचारपाटी