काठमाण्डौं । नेपाली बजारमा बिहीबार सुनको मुल्य बढेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला ९८ हजार १०० रुपैयाँमा कारोबार भइरहेको छ।
अघिल्लो दिन बुधबार दुई सय रुपैयाँले बढेर सुन प्रतितोला ९७ हजार ६ सय रुपैयाँमा कारोबार भएको थियो। आज सुन ५ सय रुपैयाँले बढेर ९८ हजार १०० रुपैयाँमा कारोबार भएकाे छ ।
आज तेजावी सुनको मूल्य ९७ हजार ६ सय कायम गरिएको छ। यस्तै, सुनको मूल्य बढेसँगै चाँदी पनि बढेको छ। महासंघका अनुसार चाँदीको मूल्य प्रतितोलामा १० रुपैयाँले बढेर १ हजार ३ सय ३० पुगेको छ।