हिमाली जिल्ला मुस्ताङ बाट चलचित्र ''अन्तिम संस्कार''काे छायाङ्कन सुरु • Nepal's Trusted Digital Newspaperहिमाली जिल्ला मुस्ताङ बाट चलचित्र ''अन्तिम संस्कार''काे छायाङ्कन सुरु • Nepal's Trusted Digital Newspaper
  • होमपेज
  • हिमाली जिल्ला मुस्ताङ बाट चलचित्र ”अन्तिम संस्कार”काे छायाङ्कन सुरु

हिमाली जिल्ला मुस्ताङ बाट चलचित्र ”अन्तिम संस्कार”काे छायाङ्कन सुरु

  • समाचारपाटी
  • आइतवार, अशोज २, २०७९
हिमाली जिल्ला मुस्ताङ बाट  चलचित्र ”अन्तिम संस्कार”काे छायाङ्कन सुरु

काठमान्डौँ। चलचित्र ”अन्तिम संस्कार”को हिमाली जिल्ला मुस्ताङ बाट छायांकन सुरु भएको छ। शाही प्रोडक्सन नेपाल प्रालिको ब्यानरमा निर्माण हुन लागेको चलचित्र ”अन्तिम संस्कार” को शुक्रबार मुक्तिनाथ मन्दिरमा शुभ मुहर्त गरेर छायांकन सुरु गरिएको हो।

सांस्कृतिक तथा सामाजिक कथा वस्तु समेटिएको ”अन्तिम संस्कार”को छायांकन गर्न अंग्रज कलाकार विजय लामासहितको चलचित्र युनिट मुस्ताङ पुगेका हुन्। चलचित्र युनिटले मुस्ताङमा करिब ४० प्रतिशत छायांकन सक्काएर बाँकी छायांकन काठमान्डौंमा गर्ने बताएको छ।

मुस्ताङको जोमसोम, मार्फा, कागबेनी र मुक्तिनाथ क्षेत्रमा चलचित्र ”अन्तिम संस्कार”को छायांकन गरिने चलचित्र निर्माता विनोद सुवेदी खत्री (टाटेमित)ले जानकारी दिनुभयाे। चलचित्र ”अन्तिम संस्कार”को निर्माता विनोद सुवेदी हुनुहुन्छ, भने चलचित्रको निर्देशन प्रदीप शाहीले गर्नुभएकाे छ। प्रेम खड्का र वोधराज पौडेलले मुस्ताङको छायाँकनको व्यवस्थापन गर्दैछन्।

झन्डै डेढ करोड लागत रहेको सो चलचित्रमा कलाकार विजय लामासहित दिया पुन, कृष्णभक्त महर्जन, यमनराज उप्रेती, श्याम राई, सारदा गिरी, त्रिचु राई,सश्मिता गिरी र दिग्गज खत्री लगायतको अभिनय रहने छ। चलचित्रको छायांकन बाबु श्रेष्ठले गर्दैहुनुहुन्छ। निर्देशक शाहीको ‘अन्तिम संस्कार’ दोस्रो चलचित्र हो । उहाँको निर्देशनमा बनेको पहिलो चलचित्र ‘गोर्खा बिनिथ द ब्रेभरी’ प्रर्दशन भई सकेको छ ।

आजको ट्रेन्डिङ समाचार

धेरै कमेन्ट गरिएका