पोखरा महानगरले बाँड्यो १० लाख रूपैयाँको खेल सामग्री • Nepal's Trusted Digital Newspaperपोखरा महानगरले बाँड्यो १० लाख रूपैयाँको खेल सामग्री • Nepal's Trusted Digital Newspaper
  • होमपेज
  • पोखरा महानगरले बाँड्यो १० लाख रूपैयाँको खेल सामग्री

पोखरा महानगरले बाँड्यो १० लाख रूपैयाँको खेल सामग्री

  • समाचारपाटी
  • शनिबार, अशोज १, २०७९
पोखरा महानगरले बाँड्यो १० लाख रूपैयाँको खेल सामग्री

पोखरा। पोखरा महानगरपालिका मातहतको खेलकुद विकास समितिले खेलाडीलाई १० लाँख रूपैयाँ बराबरको खेल सामग्री वितरण गरेको छ । नगर प्रमुख धनराज आचार्यको उपस्थितिमा शुक्रबार पोखरा रंगशालामा खेलसम्बद्ध संघसंस्था, प्रशिक्षक र खेलाडीलाई खेलकुद विकास समितिले सामग्री वितरण गरेको हो हो ।

बास्केटबल, भलिबल, फुटबल, आइटिएफ तेक्वान्दो, केन्पो काइ, बक्सिङ,मुआ थाइ, उसु, एथलेटिक्स, कराँतेलगायत खेलका संघसंस्था, प्रशिक्षक र खेलाडीलाई १ देखि ६६ थानसम्म सामग्री वितरण गरिएको छ ।

खेल सामग्री वितरण गर्दै मेयर आचार्यले असोज अन्तिममा पोखरामा हुने नवौँ राष्ट्रिय खेलकुदमा धेरै पदक जित्ने गरी मिहिनेत गर्न प्रशिक्षक र खेलाडीलाई आग्रह गर्नुभयाे । ‘पोखरा उत्कृष्ट आतिथ्यता दिने सहर हो । पाहुनालाई सम्मानजनक व्यवहार गर्न चुक्न हुँदैन,’ उहाँले भन्नुभयाे, ‘सम्मान त गर्ने हो, त्योसँगै पदक पनि जित्नुपर्छ । ३६ खेलमध्ये धेरैभन्दा धेरै खेलमा पदक गण्डकी प्रदेशले ल्याउने गरी मिहिनेत आवश्यक छ ।’

नवौँ राष्ट्रिय खेलकुद सफल पार्न स्थानीय आयोजक भएको नाताले पोखरासँगै प्रदेशका खेल संघ र खेलाडी लाग्नुपर्ने उहाँले बताउनुभयाे । ‘राम्रो भयो भने त्यसको जस् हामीले नै पाउँछु । केही नराम्रो भए पोखरा र हाम्रै बद्नाम हुने हो । खेलसँग सम्बन्धित सबै अनुशासित र मर्यादित हुन जरुरी छ,’ उहाँले भन्नुभयाे ।

पोखराबाट राष्ट्रिय÷अन्तर्राष्ट्रिय प्रशिक्षक उत्पादन गर्ने गरी योजना ल्याउने मेयर आचार्यले बताउनुभयाे । थोरै बजेट भए पनि सके जति खेललाई सामग्री बाँडेर सम्बोधन गर्ने प्रयास गरेको खेलकुद विकास समिति अध्यक्ष दिपकबहादुर गोदारले बताउनुभयाे । नवौँ राष्ट्रिय
खेलकुदमा सहभागी हुने खेलाडीलाई यसपटक सम्बोधन गरेको उहाँको भनाइ थियो ।

खेलकुद विकास समितिको कार्यालय मेयर आचार्यले शुक्रबार नै रंगशालामा उद्घाटन गर्नुभएकाे छ । यसअघि कार्यालय ड्यामसाइडस्थित शिक्षा महाशाखासँगै थियो ।

खेलसम्बद्ध निकाय भएको र रंगशालामा राख्दा कार्यसम्पादनमा सहज हुने भएकाले कार्यालय सारिएको खेलकुद विकास समितिका सदस्य सचिव सुवास खड्काले बताउनुभयाे ।

mahanagar

आजको ट्रेन्डिङ समाचार

धेरै कमेन्ट गरिएका