प्रचण्ड पार्टी कब्जा गर्नका लागि एमालेसँग मिलेको देवी ज्ञवालीको आरोप • Nepal's Trusted Digital Newspaperप्रचण्ड पार्टी कब्जा गर्नका लागि एमालेसँग मिलेको देवी ज्ञवालीको आरोप • Nepal's Trusted Digital Newspaper
  • होमपेज
  • प्रचण्ड पार्टी कब्जा गर्नका लागि एमालेसँग मिलेको देवी ज्ञवालीको आरोप

प्रचण्ड पार्टी कब्जा गर्नका लागि एमालेसँग मिलेको देवी ज्ञवालीको आरोप

  • समाचारपाटी
  • शुक्रबार, भदौ ३१, २०७९
प्रचण्ड पार्टी कब्जा गर्नका लागि एमालेसँग मिलेको देवी ज्ञवालीको आरोप

नेकपा एमालेका केन्द्रिय सदस्य देवी ज्ञवालीले नेकपा माओवादी केन्द्र का अध्यक्ष पुष्पकमल दाहालप्रति इंगित गर्दै पार्टी कब्जा गर्ने दुराशयका साथ एमालेसँग पार्टी एकता गरेको आरोप लगाउनुभएको छ ।

बिहीवार पार्टी कार्यालय च्यासलमा भएको पार्टी प्रवेश कार्यक्रममा बोल्दै उहाँले नेकपा एमालेसँग पार्टी एकता गर्दा अध्यक्ष केपी शर्मा ओली बिरामी भएको र त्यसपछिको स्थितिमा पार्टी आफूले कब्जा गर्ने दुराशयका साथ पार्टी एकीकरण गरेको आरोप लगाउनुभएको हो । उहाँले नेकपा एमालेले पवित्र उद्देश्यका साथ पार्टी एकता गरेपनि नेकपा माओवादीले ओली बिरामी भएपछिको अवस्थामा पार्टी कब्जा गर्ने मनशायले एकता गरेर कम्युनिष्ट पार्टीलाई विभाजित गरेको बताउनु भयो । उहाँले एमालेका कार्यकर्ताहरु पार्टीले दिएको निर्देशन अनुसार काम गर्न तयार रहेको बताउनु भयो । उहाँले अघिल्लो निर्वाचनमा कम्युनिष्ट पार्टीको एकताका लागि मतपत्र च्यातेर, हडपेर, हराएको कुरा बिर्सिएर लागेपनि आफ्नो त्याग र तपस्यालाई बिर्सिएको गुनासो गर्नुभयो । उहाँले चीर प्रतिपक्ष नेपाली काँग्रेससँग साँठगाँठ गरी कम्युनिष्ट पार्टीलाई धराशायी बनाउन प्रचण्डपक्ष लागेको भन्दै नेकपा माओवादी केन्द्रलाई पुष्पकमल एण्ड कम्पनीको संज्ञा दिनुभयो । उहाँले चितवनजस्तो पवित्रभूमिमा अबका दिनमा छलछाम गर्न नदिने संकल्प गर्नुभयो ।

उहाँले भन्नुभयो, ‘हाम्रो श्रद्धेय अध्यक्ष कमरेडले कम्युनिष्ट पार्टीको एकता गर्ने उद्देश्यले आज भन्दा ४÷५ वर्षअघि नेकपा माओवादीसँग एकता गर्नुभयो । हाम्रो पवित्र उद्देश्य थियो, पार्टी एकता गर्ने तर कसै कसैको उद्देश्य के रहेछ भने केपी ओली बिरामी छन्, त्यसपछिको स्थितिमा म कहाँ पार्टी आउँछ र एमाले पार्टी कब्जा गर्छु भन्ने दुराशय बोकेका रहेछन् । जब एमाले पार्टी कब्जा हुन सक्दैन भन्ने थाहा भयो, त्यसपछि १९ पृष्ठको १९ बुँदे आरोप लगाएर कम्युनिष्ट पार्टीलाई विभाजित गरेर बिस्तारवादी र साम्राज्यवादीहरुको हीतमा आफूलाई उभ्याएपछि नै यो ध्रुवीकरणको प्रक्रिया अघि बढीरहेको छ । सबै कम्युनिष्ट देशभक्तहरु आज एमालेमा गोलवद्ध हुनुपर्ने आवश्यक्ता छ । एमालेका कार्यकर्ताहरु पदको लागि लालयित छैनन्, एमालेका कार्यकर्ताहरु पार्टीले दिएको निर्देशनमा बिष पिउन तयार छन्, मृत्युवरण गर्न तयार छन्, तर पार्टीको निर्देशनलाई जहिलेपनि शिरोधार्य गर्दछन् । अघिल्लो पटक प्रचण्डलाई चितवनमा तपाईहरुले जिताउनुस् भन्ने निर्देशन गर्नुभयो, त्यतिबेला हामीले हामीलाई मतपत्र च्यातेर, हडपेर, हराएको कुरापनि बिर्सियौँ, केवल कम्युनिष्ट पार्टीको विकासका निम्ति कम्युनिष्ट पार्टीका एकताका लागि लाग्यौँ । तर हाम्रो त्याग, बलिदान, समर्पणलाई लत्याए । अहिले हाम्रो सधैँको चीर प्रतिपक्ष नेपाली काँग्रेससँग साँठगाँठ गरी कम्युनिष्ट पार्टीलाई धराशायी बनाउन लागेका पुष्पकमल एण्ड कम्पनी लागे । हाम्रो चितवनजस्तो पवित्रभूमिमा राजगाज गर्न दिइँदैन । यो हाम्रो संकल्प हो ।’

नेकपा माओवादी केन्द्र का चितवन सहइन्चार्ज तथा माओवादी केन्द्रिय सदस्य यमबहादुर परियार लगायत नेता, कार्यकर्ता आज एमालेमा प्रवेश गरेका थिए ।

आजको ट्रेन्डिङ समाचार

धेरै कमेन्ट गरिएका